Nýtt, að nokkru leyti AFKRISTNAÐ hjónavígsluform Þjóðkirkjunnar!

Af Kirkjan.is: "Karl Sigurbjörnsson, biskup Íslands, hefur sent prestum til reynslu nýtt form fyrir hjónavígslu og tekur það mið af nýjum hjúskaparlögum sem taka gildi n.k. sunnudag.

Í bréfi til presta sagði biskup meðal annars:

Svo sem greint hefur verið frá hafa kenningarnefnd og helgisiðanefnd sem og biskupafundur fjallað um það með hvernig þjóðkirkjan geti mætt því að grunnskilgreining hjúskapar breytist að lögum og öðrum sambúðarformum er veitt aðild að hjúskapnum. Það hjónavígsluform sem hér fylgir var afrakstur þeirrar vinnu. Er það byggt á formi fyrir staðfesting samvistar sem Kirkjuþing 2007 staðfesti og samræmt hinum nýju hjúskaparlögum. Eins var tekið tillit til þeirra hugmynda sem prestastefna 2005 varpaði fram varðandi atferli við hjónavígslu. Þetta er tilraunaform sem síðan verði tekin til endurskoðunar uns Kirkjuþing staðfestir það væntanlega á hausti komanda.

Löng og erfið deila hefur verið um þetta mál innan kirkjunnar, með þungum rökum á báða bóga, heitum tilfinningum og talsverðum þrýstingi. Nú eru þáttaskil og það er engum vafa  undirorpið að prestar þjóðkirkjunnar fara að lögum í þessu efni eins og öðrum. 

Þjóðkirkjan vill standa með hjónabandinu og þeim sem staðfesta ráð sitt og gangast undir skuldbindingar um virðingu, ást og tryggð. Enda er hjónabandið elsta stofnun mannlegs samfélags og sú sem best hefur reynst til að hlynna að viðkvæmustu og dýrmætustu þáttum þjóðfélags og menningar: tryggð og trúfesti, kærleika, umhyggju og uppeldi. Mörg hjónabönd og fjölskyldur eru um þessar mundir undir miklu álagi vegna óvissu um afkomu og atvinnu. Við biðjum fyrir þeim og heimilum þessa lands um blessun Guðs sem lífið gefur, verndar og nærir.

Hjónavígsluformið"

Já, kynnum okkur hjónavígsluformið. Þar segir m.a.:

• P[restur:]  Undursamleg eru verk þín Drottinn Guð vor. Undursamlega skapaðir þú manninn í þinni mynd, þú skapaðir hann í Guðs mynd. (Þú skapaðir hann karl og konu). Af elsku þinni er lífið runnið og til þín er því stefnt.  Fyrir lífið og ástina lofum við þig.  
• Almáttugi eilífi Guð, lít í náð þinni þessi hjónaefni, sem biðja um blessun þína yfir 
• hjúskap sinn. Heyr bænir þeirra og hjálpa þeim að lifa saman samkvæmt orði þínu. Fyrir Jesú Krist, Drottin vorn. Amen. 

Hér má spyrja: Af hverju er sviga slegið utan um: "Þú skapaðir þau karl og konu"?

Úr ávarpi prets:

Hjónabandið er heilagur sáttmáli, sem Guð, skapari himins og jarðar hefur stofnað til og 

blessar. Hjónabandinu er ætlað að nærast af kærleikanum sem er frá Guði kominn og gefa 

hann áfram. Þess vegna er það hlutverk ykkar að elska og virða hvort annað/ hvor aðra/ 

hvor annan. Allt sem þið eruð og eigið verður héðan í frá sameign ykkar til að eiga 

saman, takast á við, njóta og sigra saman, eitt í vilja og verki. Sameiginlega berið þið 

ábyrgð á heimilinu (og á kristnu uppeldi barnanna). Saman eigið þið að standa við hlið 

hvort annars / hvor annarar / hvor annars /  í tryggð og trúfesti, í gleði og sorg, á björtum 

dögum og dimmum. Í bæn og guðsþjónustu, í orði Guðs og sakramenti megið þið þiggja 

kraft til þess.  

Í hjónabandinu eru fólgin mikil auðævi. Þegar hjón lifa saman í fyrirgefningu Guðs 

þiggja þau hjálp hans til skilnings og fyrirgefningar. Og vilji Guðs verður í lífi þeirra.

 

Svo kemur reyndar þetta í ritningarlestri: 

Heyrum nú hvað frelsari vor og Drottinn Jesús Kristur segir um hjónabandið og samfélag 

lærisveina sinna: 

 

P Hafið þér eigi lesið, að skaparinn gjörði þau frá upphafi karl og konu og sagði: Fyrir 

því skal maður yfirgefa föður og móður og búa með konu sinni, og þau tvö skulu verða 

einn maður. Þannig eru þau ekki framar tvö heldur einn maður. Það sem Guð hefur tengt 

saman, má eigi maðurinn sundur skilja.“ (Matt. 19. 4-6). 

 

Seinna kemur þarna kærleiksóður Páls postula í 1. Korintubréfi, 13.1.-14.1a, en því er hins vegar sleppt að nefna, að í nákvæmlega sama bréfi Páls er talað um, að karlmenn, sem leggjast með karlmanni, muni ekki "Guðs ríki erfa" (I. Kor. 6.9–10) !

Þá er hér seinna komið að þessum alvarlegu hlutum í athöfninni, og takið eftir:

Sé skipst á hringum við athöfnina,snýr prestur að altari og biður eftirfarandi bænar yfir 

hringunum: 

Algóði Guð, kærleikans faðir, blessa þessa hringa og gef að þeir verði þeim sem hér 

gefast hvort öðru/hvor annarri/hvor öðrum/ ævarandi tákn ástar og trúfesti í Jesú nafni. 

Amen. 

 

Prestur réttir hjónunum hringana með þessum orðum:  

Dragið hring á hönd hvort öðru/ hvor annarri / hvor öðrum. 

 

Því næst mælir presturinn: 

Gefið nú hvort öðru / hvor annarri / hvor öðrum/ hægri hönd ykkar þessum sáttmála til 

staðfestu. 

 

Prestur leggur hægri hönd yfir hendur hjónanna og segir: 

 

Með því að þið hafið heitið hvort öðru /hvor annarri / hvor öðrum ást, virðingu og tryggð 

í hjónabandi og játað þetta opinberlega í áheyrn þessara votta (þessa safnaðar) og gefið 

hvort öðru hvor annarri / hvor öðrum hönd ykkar því til staðfestu, lýsi ég því yfir að þið 

eruð hjón. Í nafni Guðs + föður og sonar og heilags anda. Amen.  [Feitletrun undirritaðs.]

 

Þá krjúpa hjónin á gráðurnar, en presturinn snýr sér að altarinu og biður einhverrar 

eftirfarandi bæna..  

 

Látum oss biðja. 

 

P Vér biðjum þig Guð fyrir N og N. Varðveit þau / þær/ þá í kærleika þínum og lát 

skilning þeirra og trúfesti vaxa á samleið þeirra í hjónabandi. Vak yfir lífsgæfu þeirra, 

varðveit með þeim gleði góðvild og umhyggju gagnvart þeim sem tilheyra lífi þeirra. 

Fylg þeim með blessun þinni alla daga sem þú gefur þeim. Blessa heimili þeirra og 

ástvini alla. Hjálpa oss öllum til að taka hvert annað að oss eins og Kristur hefur tekið oss 

að sér.  

Svar: Amen.  

 

  Eða: Algóði Guð, himneski faðir, blessa N og N og þau helgu heit sem þau/þeir/ þær 

unnu fyrir augliti þínu. Vak yfir þeim og vernda þau/þær/þá. Hjálpa þeim að halda heit 

sín og vera hvort öðru/ hvor annarri / hvor öðrum sú gæfa og blessun sem þau/þeir/þær 

þrá og þú ætlast til. Blessa heimili þeirra og ástvini og gef að allt sem þú lætur þeim að 

höndum bera verði þeim til góðs og til vitnisburðar um blessun þína sem engum bregst 

sem á þig vona, í Jesú nafni.   [Feitletrun undirritaðs.]

Svar: Amen. 

 

Eða: Drottinn Guð, himneski faðir, þú sem hefur skapað karl og konu og ákvarðað þau til 

hjúskapar og hefur viðhaldið þessari skipan þinni og blessun allt til þessa, vér biðjum þig 

að varðveita og blessa þessi brúðhjón, svo að allt, sem þú lætur þeim að höndum bera, 

verði þeim til góðs og þínu heilaga nafni til lofs og dýrðar. Fyrir son þinn Jesú Krist, 

Drottin vorn, sem með þér lifir og ríkir í einingu heilags anda, einn sannur Guð um aldir 

alda.  

Svar: Amen.   [Hér var reyndar allt í einu allt með felldu! -jvj.]

 

Faðir vor og blessun – með handayfirlagningu 

 

Prestur leggur hendur á höfuð hjónanna og segir: 

P Biðjum saman bæn Drottins. 

A Faðir vor... 

 

P Takið blessun Drottins.  

   Drottinn blessi þig.... 

A Amen 

 

(Eða þessi blessunarorð ef hin drottinlega blessun er flutt síðar í athöfninni. 

Almáttugur Guð, Faðir og Sonur og Heilagur Andi blessi og varðveiti hjúskap ykkar. 

Amen. 

 

Þetta er sem sé það, sem Karl biskup sendi prestum sínum í tilefni af nýjum lögum, sem hann er greinilega viljugur að fara eftir, þó að þau veki andstöðu flestra kirkna og virkra kristinna manna í heiminum!

Hvar er maðurinn, sem ætlaði aldrei að samþykkja slík lög? Hét hann ekki Karl Sigurbjörnsson, og hvers vegna er hann snúinn frá þeirri trúarafstöðu sinni?

Er ekki betra að vera hæddur trúarvottur, jafnvel sviptur embætti, heldur en hálaunaður embættismaður sem gerir bara það sem honum er sagt, jafnvel þó að það mæli berlega gegn orði Guðs?

Og hvernig líður herra Karli með það að hremma frá Páli postula kærleiksóð hans til að láta lesa yfir tveimur samkynhneigðum í meintri hjónavígslu þeirra frammi fyrir altarinu, en fótumtroða orð Páls í sama riti sem fjalla um kynlíf tveggja karla saman?

Gengur þetta upp hjá þér, Karl, sonur Sigurbjarnar biskups?

Jafnvel aftast í þessu hjónavígsluformi þínu er texti, sem ætti að segja þér eitthvað: "Þér eruð salt jarðar. Ef saltið dofnar, með hverju á að selta það? Það er þá til einskis nýtt, ..."

Og hefur þú ekki heitið að boða Guðs orð ómengað? Hvernig vogarðu þér þá að senda út hjónavígslutexta, þar sem tveir karlar eða tvær konur eru lýst vera hjón og það "í nafni Guðs + föður og sonar og Heilags Anda" og hringar þeirra blessaðir "í Jesú nafni"? Hver hefur gefið þér vald yfir blessunarvaldi Guðs eða til að misnota það til þess, sem er andstætt opinberuðum vilja hans?

 

Jón Valur Jensson, guðfræðingur og félagi í Kristnum stjórnmálasamtökum. 

Athugasemdir

[Sigurður Þórðarson, 26.6.2010 kl. 08:41]

Þetta er grundvallarspurning:

Eiga heilög gildi alltaf að víkja fyrir tíðarandanum hverju sinni?

[Tómas Ibsen Halldórsson, 27.6.2010 kl. 00:06]

Það er sorglegt að kristnum gildum er sífellt ýtt til hliðar til að uppfylla kröfur háværra minnihluta hópa.  Það er eins og Orð Drottins hafi ekkert að segja lengur og er það miður, því að eins og menn brenna sig ef þeir stinga hönd sinni inn í eldinn, þá hefur aukið siðleysi og fráhvarf frá vegum Guðs sínar afleiðingar.  Hönd Drottins og varðveisla er ekki lengur með þjóð sem hafnar Honum eins og íslenska þjóðin hefur gert.  Það eina sem getur bjargað þjóðinni frá alvarlegum afleiðingum fráfallsins er að hún snúi sér til Drottins á ný sem einn maður, iðrist synda sinna og taki að heiðra Hann og Orðið Hans.

[Helga Kristjánsdóttir, 27.6.2010 kl. 02:26]

´Sæll Jón Valur, ég sem er ein af ykkur í kristnum stjórnmálasamtökum,viðurkenni að vera ekki biblíufróð. En ég er Kristin,rétt eins og biskupinn æðsti embættismaður kirkjunnar. Þar sem þú beinir spurningu þinni til hr. Karls biskups,Sigurbjörnssonar,þætti mér fróðlegt að sjá hvort og hvernig hann svarar þér.   Þar sem þessum málum er þannig komið,spyr ég mig hvort ég verði að una þessu,eins og að konur eru prestar,því ætlaði ég seint að venjast. En mér þykir mun betra að ræða þessi mál,heldur en að skrifa,því í huga mér hrannast upp svo margar spurningar,sem krefjast svara fyrirvaralaust. Með bestu kveðjum.