Sízt alls eru Gyðingar öðrum framar hefnigjarnir

Oft er það haft til marks um hefni­girni Gyðinga, að þeir taki bók­staf­lega orð Gamla testa­ment­is­ins um "auga fyrir auga og tönn fyrir tönn" (III.­Mós.­24.20, saman­ber hins vegar Matth.­5.39*). En í 1. lagi var Móse­bókar­reglan einungis krafa um að ganga ekki lengra í refsingu en rangs­leitnin hafði verið, sem refsa mætti fyrir, og í 2. lagi er augljóst af friðsemi Gyðinga gagnvart Þjóðverjum eftir fall ógnar­stjórnar nazista, sem létu myrða sex milljónir Gyðinga, að sízt eru Gyðingar öðrum framar hefnigjarnir. 

Herskáir Palestínu­menn þykjast eiga harma að hefna á Ísraelsmönnum og láta sem það réttlæti skæru­hernað þeirra og hryðjuverk á undanförnum áratugum og að enn þann dag í dag réttlæti það margar atlögur að jafn­vel óbreyttum borgurum Ísraels­manna, konum þeirra og börnum! Hér mættu Palestínu­menn taka Gyðinga sér til fyrirmyndar: Ekki hafa þeir hefnt sín af grimmd á þýzku þjóðinni! -- og aldrei í raun endurgoldið þjóðar­morðið á Gyðingum í Þriðja ríki Hitlers og hernámslöndum þess.

* Orð Jesú í Matth.5.39 (1981-þýðingin): "En ég segi yður: Rísið ekki gegn þeim, sem gerir yður mein. Nei, slái einhver þig á hægri kinn, þá bjóð honum einnig hina." -- "Hörð" túlkun á þessu er, að með þessu gangi Kristur beinlínis þvert gegn texta III. Móse­bókar. En í raun gengur hann í sömu átt og birzt hafði í vilja Skaparans, Guðs Föður almátt­ugs, í Gamla testa­mentinu: þ.e. að takmarka og tempra beri refsi­viðbrögð við árásum manna. Fullkomn­ast getur það orðið í samskiptum einstaklinga: þar, umfram deilur í réttarsal eða átök á vígvelli, hafa menn enn möguleikann á því að snúa hjarta mótstöðu­mannsins með sjálfsfórn og skilnings­ríkri mildi gegn móðgunar- og árásar­girni hans. (En með þessu talar Kristur þó ekki gegn því, að sum mál geti, þegar önnur úrræði þrýtur, þurft að leysa með úrskurði dómara, sbr. Matth. 5.25.)

"Eins og þér viljið að aðrir menn geri við yður, svo skuluð þér og þeim gera. ...  Elskið óvini yðar og gerið gott og lánið án þess að vænta nokkurs í staðinn, og laun yðar munu verða mikil og þér verða börn Hins hæsta, því að hann er góður við vanþakkláta og vonda. Verið miskunnsamir, eins og faðir yðar er miskunnsamur," segir Jesús sjálfur (Lúkasarguðspjall, 6,31, 35-36.)

Jón Valur Jensson.

Það er nefnilega það! - "Koma í veg fyrir framhjáhald" með lagaþvingun. Skoðið ummæli múslimaleiðtoga á Íslandi!

 Ímam Skógarhlíðar-moskunnar trúði Rúv fyrir þessu:

Ahmad segir að samkvæmt Kóraninum sé múslimskum konum skylt að ganga með blæju. Þó sé það þannig að rétt eins og kristnir menn fari ekki alltaf eftir boðorðunum tíu þá séu múslimar ekki fullkomnir.

Það er nefnilega það! En væru konurnar "fullkomnar", væru þær allar með blæju! Gaman að lifa, maður! -- og þurfa svo ekkert að velja, láta bara pabba gamla um að velja kvonfangið fyrir sig, út frá hans kunningjaböndum!

En áfram heldur þessi Ahmad Seddeeq, ímam Menningarseturs múslima á Íslandi:

Sumir kjósi að fara ekki eftir einhverju, til dæmis ákveði sumar konur að ganga ekki með blæju. Hann útskýrir hvers vegna múslimum finnst blæjan nauðsynleg. Manneskjur séu breyskar og ef kona gengur um án blæju og sýnir þar með fegurð sína öðrum en eiginmanni sínum geti það vakið áhuga annars karlmanns á henni og þannig leitt til framhjáhalds. Hann segir karla og konur vera ólík þegar kemur að fegurð. Konur hugi meira að útlitinu en karlar og því sé ekki ástæða til þess að karlmenn gangi með blæju.

Það er nefnilega það! Allt einfalt á bókina lært hjá honum.

Hann segir að það sé ekki verið að gera þá kröfu að konur líti illa út ...

Það er nú eins gott!

... þær megi klæðast fallegum fötum en það séu ákveðin takmörk. Fötin megi ekki vera of þröng eða flegin. Hann segir kröfuna um að hylja hár sitt og klæðast látlausum fatnaði ekki endilega alltaf vera það sem einstaklingurinn vill, en líkt og með mörg lög sé það í þágu stöðugleika samfélagsins í heild. Það minnki líkur á skilnaði og komi í veg fyrir að fjölskyldur sundrist.

Já, "ekki endilega alltaf það sem einstaklingurinn vill," oft fer þetta fram (já, daglega, áratugum saman!) einmitt þvert á móti því sem einstaklingurinn vill!

Ahmad vekur athygli á því að í Íslam sé ekki gerð krafa á neinn um að hylja andlit sitt, einungis hárið. Sumar konur vilji þó gera það, því að þær álíti sig óvenju fallegar.

Það er nefnilega það! Þá vitum við að þær fegurstu (a.m.k. að eigin áliti) eru einmitt þær sem mest eru huldar í kuflum sínum og slæðum, það sé þeirra eindreginn vilji!

 

JVJ tíndi saman og gerði sínar athugasemdir.

Forseti Palestínu segir Gyðinga hafa sjálfa kallað yfir sig helförina!

Mahmoud Abbas, forseti Pal­est­ínu, hefur nú ræki­lega undir­strik­að Gyð­inga­hatur sitt, sem á reyndar rætur allt til háskólaára hans, ef ekki beinlínis í Gyðinga-fjand­sam­legum ummælum Kór­ansins og enn frekar í ævi­sagna­þáttum Múhameðs (Al-sira).

Það er skammarlegt að nútíma-þjóðarleiðtogi tali með þeim hætti sem Abbas ástundar --- að segja Gyðinga hafa sjálfa kallað yfir sig helförina! --- og að þessum manni og siðvana stjórn hans sé haldið uppi á milljarða-framlagi Evrópusambandsins. Meðal ljótustu verka ríkisstjórnar hans er að borga há verðlaun handa hverjum þeim, sem drepur Ísraelsmann!

http://www.visir.is/g/2018180509668/forseti-palestinu-segir-gydinga-hafa-kallad-yfir-sig-helforina-sjalfir

Jón Valur Jensson.

Kristin er afstaða umskurnar-úthrópenda ekki!

Ekki gengur þeim mönnum krist­indómur til, sem úthrópa í raun Maríu og Jósef og foreldra Jóhann­esar skírara sem "barna­níðinga" og með fleiri ljótum stóryrðum um umskurn svein­barna.* And­styggð er að því, við um­hugs­un, að menn skrifi þannig, en er þeim mönnum líkast, sem þegar hafna krist­inni trú. Hitt er undar­legra þegar aðrir, meintir eða yfir­lýstir kristnir, tala og skrifa á þann veg. Þeir ættu að hugsa sinn gang, átta sig á grund­velli, forsendum og samhengi trúar sinnar, og það mættu raunar kristnir menn gera í hverjum líðandi mánuði: að íhuga trú sína og rök hennar, eins og þau liggja fyrir í helgum ritningum og í játningum kristinnar kirkju.

* Hér eru dæmi af Facebók og Visir.is um orðbragð þeirra, sem tala um umskurn sveinbarna sem "ofbeldi" og "limlestingu", "mannfjandsamlega" venju", "ósóma", "afskræmingu á kynfærum ómálga barns", "pyntingu (Hersir Aron Ólafsson), "ofbeldi á kornabörn" (Viðar Pétursson, herskár trúleysingi), "að misþyrma börnum sínum" (Arnfridur Einarsdottir), misþyrming á ómálga börnum" (Steinar Harðarson). Stór hluti þessa fólks er hins vegar hlynntur grimmdarlegum fósturdrápum, jafnvel að geðþótta umsækjenda, jafnvel allt upp í fulla fimm mánuði meðgöngu, og þá er ekki verið að hugsa um kvöl hins ófædda barns, jafnvel ekkert hirt um að setja í það deyfilyf! -- það er eins og það eigi bara að kveljast sem mest fyrir meintu "kvenréttindin", rétt eins og í partial-birth abortion að ósk Hillary og Obama, og er þó helmingur fórnarlamba fósturvíga meybörn!

Frumvarp Silju Daggar framsóknarkonu um bann við umskurn sveinbarna að viðlagðri allt að 6 ára fangelsisvist vekur nú athygli og hneykslan víða um lönd og er fordæmt jafnt af kirkjuleiðtogum sem forsvarsmönnum Gyðinga. Dýpra er á viðbrögðum múslima, en þetta spyrzt óhjákvæmilega út meðal islamista, ef verður að lögum (þ.e.a.s. enn einum ólögum frá Alþingi), og afleiðingarnar gætu orðið skelfilegar, jafnvel mannvíg gegn Íslendingum erlendis.

Hér heima taka t.d. Agnes Sigurðardóttir biskup (sjá tengil neðar) og hin hyggna Lilja Alfreðsdóttir (fyrrv. utanríkisráðherra og samflokkskona Silju Daggar) afstöðu gegn þessu frumvarpi, og er það að vonum, vitlausara frumvarp er vandfundið, enda felur það í sér fullan vilja til trúarbragðaofsóknar, en Ísland yrði fyrst landa í víðri veröld til að bæta þeim nýja þætti við Gyðingahatur fyrri tíma.

Jón Valur Jensson.

Leggst gegn því að umskurður verði refsiverður

Dæmi um hvernig oft má rekja slóð mannréttinda til trúar

"Það má rekja mörg mannréttindi okkar beint til trúarbragða, en stundum er slóðin flóknari en hún virðist. Kýrus konungur Persíu var til dæmis upphafsmaður þess afkima mannréttinda sem við köllum trúfrelsi, en áður en hann færði það í lög var það algjörlega óþekkt hugtak. Ástæðan er sú að Kýrus þessi, sem er talað um í Biblíunni sem "helgan mann", var afkomandi Estherar, gyðingastúlku sem giftist Persakonungi (og lesa má um í Biblíunni) og því gyðingur að uppruna, þó hann væri það ekki að menningu. Hann vissi það, og hann vissi að formóðir hans Esther hafði forðað gyðingum frá algjörri útþurrkun. Á þeim tímum var fyrsta tilraunin til algjörrar helfarar á gyðingum, og skipað að drepa hvern einasta gyðing í Persaveldi. En Esther taldi konunginum, sem vissi lítið af þessu, hughvarf. Þetta fylgdi síðan þessari ætt og varð til þess að fóstra með henni manngæsku og brennandi réttlætiskennd, sérstaklega fyrir hönd minnihlutahópa, sem loks varð færð í lög af Kýrusi þeim sem setti þetta sérstaklega í letur, eftir að það var búið að gerjast innra með fjölskyldu hans í margar kynslóðir.

Og án hans, og án gyðinga, væri trúfrelsi ekki til, og þú og ég hefðum það ekki.

Þetta er dæmi um hvernig oft má rekja slóð mannréttinda til trúar, jafnvel þar sem það er ekki augljóst. Mörg önnur mannréttindi koma aftur á móti beint upp úr trúarritunum og/eða siðvenjum ólíkra trúarbragða."

Þannig ritaði Jón nokkur á vefslóð hjá Páli Vilhjálmssyni fyrir meira en hálfum áratug. Ekki veit undirritaður, hver Jón þessi var eða er, en athyglisvert er innihaldið í færslu hans. Hann hefur þegar gert innlegg sitt opinbert, ekki skilið eftir annað en skírnarnafn sitt og gefur þannig öðrum frjálsar hendur með að nota texta sinn.

JVJ.

Ef þetta er í alvöru ástandið í Bretlandi, er fjölgun múslima í norðlægum löndum þá í alvöru eftirsóknarverð?

Í eftirfarandi enskum texta kemur fram, að ekki aðeins eru múslimar orðnir borgar­stjórar í ýmsum stærstu borgum þar, heldur eru moskur orðnar 3.000, sjaría­dóm­stól­ar 130, 78% múslima­kvenna eru án vinnu og á sócíalnum, en 63% karlanna!

 

 

Úr myndum sem Petur Thor á og birti á Stjórnmálaspjalli Facebókar.

 

 

 

Hér (á Stjórnmálaspjallinu) er búið að snúa Tinnabókarforsíðu upp á ástandið í Svíþjóð:

 

 

 

 

 

 

Og Jens G. Jensson í Íslensku þjóðfylkingunni deildi þessum tengli:

Hvað segja menn um þetta? Danskur ráðherra(frú) segir sannleikann.

-Vi har tapt for islam, sier statsråd. Hun har helt rett.

-Vi har tapt overfor islam, fordi denne religionens tilhengere tyr til våpen, vold og terror. Derfor er det ingen teater i Europa som våger å sette opp et islamkritisk stykke. Man vet det vil utløse ramaskrik fra de krenkede rekkene, og en dog…

 

RIGHTS.NO

 

JVJ tíndi saman af Stjórnmálaspjalli Facebókar.

 

SÞ á villigötum í fullveldismálum Ísraels

69 ríki tóku ekki þátt í for­dæm­ingunni á viður­kenn­ingu þess að Jerúsalem er höfuð­borg Ísraels.* Netanyahu gerir rétt í að for­dæma meirihluta­niður­stöðuna.

57 músl­imaríki sýna palestínskum rót­tæk­lingum (með hryðju­verka­sögu að baki) algera með­virkni, og svo bætast við önnur meðvirk ríki, ýmist undir olíu­áhrifum eða sefasjúkrar vinstri­mennsku sem gengur um ýmis lönd sem þykjast geta hneykslazt á Donald Trump.

En ekkert stríðsástand er í hinni helgu borg Davíðs, Salómons, spámannanna og Jesú Krists.

Níu ríki greiddu atkvæði gegn fordæmingunni, 39 sátu hjá, og 21 ríki greiddi ekki atkvæði. Fulltrúum þeirra 128 ríkja, sem samþykktu egypzk-ættuðu ályktunina, er EKKI boðið í samkvæmi sem sendiherra Bandaríkjanna hjá SÞ heldur snemma í janúar (sjá hér). Meðal þeirra, sem eru í skammnarkróknum, er Guðlaugur Þór Þórðarson, enda er hegðun hans í málinu bæði aumleg og skammarleg.

Jón Valur Jensson.

Fordæmir niðurstöðu SÞ

Hverjir eru talíbanar hér? Réttið upp hönd!

Talíbanar (sem Steingrímur J. var eitt sinn að afsaka) hatast við menntun og músík og sér í lagi menntun ungra kvenna, hafa brennt skólastúlkur inni og komið í veg fyrir að þær kæmust út. Nú voru þeir að ráðast á enn einn skóla, í Peshawar í Pakistan, og þar hafa fundizt sex lík og átján slasaðir, þar af tveir í mjög alvarlegu ástandi.

Merkilegt, að til skuli hafa verið menn á Íslandi sem vildu halda talíbanastjórn í Khabúl við líði og það þótt hún hagaði sér með þessum hætti, bryti niður ómetanleg listaverk Búddhista í landinu og notaði líka íþróttaleikvang utan við Khabúl, sem Bandaríkin gáfu afgönsku þjóðinni, sem opinberan aftökustað samkynhneigðra og framhjáhaldskvenna, og það sem allra verst er þó: gerðist samsek með al-Qaída í óheyrilegu fjöldamorði á bandarískum borgurum og fólki af mörgum þjóðernum 11. september 2001.

Jón Valur Jensson.

Níu látnir eftir árás Talíbana

Ríki islams: andstyggð allra góðra manna

Mikill er sá Satans kraftur sem ISIS-menn eru haldnir að gera stórfellda skot- og sprengju­árás á trúbræður sína á Sínaískaga og drepa 305 þeirra, m.a. 27 börn,* og særa aðra.

Óværu þessa þarf að uppræta úr veröldinni með einu eða öðru móti, þetta eru menn sem virða enga mannhelgi, jafnvel ekki kvenna, barna og gamalmenna, og þekkja engin mörk nema sinnar eigin öfga-hugmyndafræði.

Er þetta hið mannskæðasta af fleiri fjölda­morðum Ríkis islams í Egyptalandi, sem flest hafa beinzt að kristnu fólki, en í þetta sinn var ráðizt á trofulla mosku á helgidegi múslima með þessum hryggilegu afleiðingum.

* Sjá nýuppfærða Rúv-frétt (á laugardegi) hér: 

http://www.ruv.is/frett/yfir-300-latin-eftir-hrydjuverk-i-egyptalandi

Jón Valur Jensson.

Að minnsta kosti 235 létust

Mynd um Saudi-Arabíu: Saudi-Arabia Uncovered

Vakin skal athygli á mjög góðri mynd um Saudi-Arabíu í Sjón­varpinu í kvöld kl. 23.25-0.20: Lífið í Sádi-Arabíu, þar sem flett er ofan af mis­rétti, skoð­ana­kúgun og hryll­ings-réttar­fari bæði gagn­vart konum og öðrum en súnní-múslimum, en notuð er þar falin myndvél sem birtir margt óvænt og miður þekkilegt. Myndin er þarna í endur­sýningu. Og það er hægt að grípa niður hvar sem er í þessari mynd, þráðurinn skiptir þar ekki öllu máli.

JVJ.

Hariri fer til Frakklands