Hátíðleg athöfn með Kavanaugh-fjölskyldunni og margmenni í Hvíta húsinu - Stöð 2 og Sjónvarpinu skjátlast í fréttatímum!

Brett Kavanaugh var settur þar inn í embætti hæsta­rétt­ar­dómara í gær og ræðu­höld bæði hans og Trumps af því tilefni. Fallegt er að sjá að hann, ekki síður en for­set­inn, talar, þar sem við á, um Guð sjálfan og um bænir fyrir þeim sem (eins og Kavan­augh sjálfur) þurfa á þeim að halda.  

Margt annað lofsvert jafnt sem faglegt var í ræðu hins nýja hæsta­rétt­ar­dómara, og kom þó á óvart hve löng hún var, en allt þar í fullkomnu formi og taste.

"A judge must interpret the law, not make the law," er meðal góðra grunn­reglna Kavanaughs.

 

Guð blessi þessa menn í þeirra mikilvægu störfum.

Mjög svo áhugavert myndband frá athöfninni má sjá HÉR á Snjáldurskinnu (Facebook) undirritaðs.

PS. Í kvöldfréttum 9. okt. fór fréttamaður á Stöð 2 með fleipur, þegar sagt var að Kavanaugh hefði verið ásakaður um kynferðisbrot "á mennta- og háskólaárum sínum". Ekkert slíkt var hann borinn sökum um að gerzt hefði á háskólaárum hans í Yale. Hins vegar hélt einn samnemandi hans þar því fram, að hann hefði þá verið drykkfelldur. Margfalt fleiri báru því hins vegar vitni, að það væri alls ekki rétt.  

PPS. Nú dámar mér! Einnig Sjónvarpið bregzt hér enn einu sinni í frétt sinni af því, að Kavanaugh hafi tekið til starfa í hæsta­rétti í dag. Þar sagði sjálf Vigdís Hjaltadóttir, að hann hefði verið borinn sökum um kynferðis­ofbeldi í tveimur tilvikum á námsárum sínum í Yale!!! Óvandaður frétta­flutn­ingur er þetta; eru frétta­menn orðnir svona samdauna sínum neikvæðu "fréttum" af Kavanaugh eða af andanum á Frétta­stofu Rúv? Og til hvers að klína enn á hann ásökunum, þegar nafn hans hefur verið hreinsað?

Christine Blasey Ford stóð ein uppi með sínar ásakanir, studd engum sönn­unar­gögnum, atburðar­lýsing hennar í molum, afar ónákvæm og tortryggi­leg, og engin tilgreind vitni stóðu með hennar fullyrð­ingum, og þótt þessi sálfræð­ingur hafi farið í gegnum lyga­mæli, var hún sérfróð einmitt í því að komast með vissum aðferðum í gegnum lygamælis­próf!

Og hinar tvær ásakan­irnar voru svo langt úti í móum, að jafnvel demókrata­holla blaðið New York Times hafnaði því að birta frétt af því.

[Hér var bætt við mynd, en fjöldi annarra mynda er HÉR! og gegnum þær er hægt að komast í mikil fréttaskrif um Kavanaugh.] 

Jón Valur Jensson.

Segir allar ásakanirnar uppspuna

Trump forseti tilnefnir Kavanaugh, varðveizlustefnu-dómara, til setu í hæstarétti

Þetta er fagnaðarefni og getur orðið til að bæta frammistöðu dómsins í mikilvægum málum. Kavanaugh, sem hefur tekið þessari skipan, segist ekki líta á hlutverk sitt í dómnum að vera með nýjungar í lagaefnum, heldur að túlka lögin sem fyrir eru. Þetta gæti m.a. haft mikil áhrif til að bæta réttarstöðu ófæddra barna, sem með svívirðilegum hætti voru svipt réttarvernd með hinum grófa falsdómi Hæstaréttar Bandaríkjanna Roe vs. Wade árið 1973.

Hér er ávæningur af umfjöllun hins "frjálslynda" blaðs New York Times (með örstuttu upphafi hverrar greinar, en smellið á fyrirsagnirnar til að lesa meira; og vegna hinna mörgu athugasemda, comments, ber að geta þess, að NYT er sérlega vinsælt blað hjá vinstri sinnum og s.k. frjálslyndum og því ekki að vænta fyllilega balanceraðrar umfjöllunar):

Kavanaugh Is Nominee for Supreme Court

(og hér má sjá bæði forsetann og Kavanaugh í ræðustóli, þegar útnefningin var tilkynnt í nótt að ísl. tíma)

(Undirfyrirsögn:)

Confirmation Would Create Conservative Hold on the Court

By MARK LANDLER and MAGGIE HABERMAN

• President Trump’s nomination of Judge Brett M. Kavanaugh, a member of Washington’s conservative legal establishment, will set off a furious confirmation battle.
• Replacing Justice Anthony M. Kennedy with Judge Kavanaugh would potentially cement the court’s rightward tilt for a generation.

964 Comments

Conservative and Liberal Groups Gird for Battle

By SHERYL GAY STOLBERG and JONATHAN MARTIN 5:00 AM ET

The fight over Judge Kavanaugh’s nomination will most likely cost tens of millions of dollars.

87 Comments

Where Kavanaugh Might Fit on the Court

By JASMINE C. LEE, ALICIA PARLAPIANO and KAREN YOURISH

Judge Kavanaugh appears unlikely to drift left as other conservative justices have.

Conservative Court Push Was Decades in the Making

By PETER BAKER

A three-decade project unparalleled in American history could shape the direction of the law for years to come.

42 Comments

Varðveizlustefna er hér íslenzka orðið og hugsunin í orðinu conservatism. "Íhaldsstefna" er orð sem hefur ekki sömu merkingar-fyllingu og alþjóðlega orðið og hefur auk þess lengi þótt hafa neikvæðan hljóm og oft verið notað nánast sem skammaryrði og næsti bær við "afturhaldsstefna" fremur en sem hlutlægt orð. Um varðveizlustefnuna hefur einna bezt skrifað hér á landi séra Heimir heitinn Steinsson, þjóðgarðsvörður á Þingvöllum og rektor í Skálholti, í grein í Lesbók Morgunblaðsins. Ennfremur ritaði Jón Þorláksson, borgarstjóri og forsætisráðherra, merka grein um efnið nál. 1930.

Jón Valur Jensson.

Trump tilnefnir Kavanaugh

Góð umskipti vonandi framundan í Hæstarétti Bandaríkjanna

Þessi nýi möguleiki í stöðunni býðst nú með afsögn Anthonys Kennedy, dómara þar. Lífsvernd hinna ófæddu kann nú að eflast stórlega með skipan nýs dómara, og Trump er treystandi til að draga ekki þá skipan fram yfir þingkosningar í haust, þegar Demókratar gera sér vonir um að geta hnekkt meirihluta Repúblikana á þingi.

Nánar verður ritað hér um málið, þegar lengra verður liðið á daginn.

JVJ.

Kröpp beygja viðbúin í Hæstarétti

Glæsilegt ef Trump tekst að framfylgja þessum markmiðum

Takist Trump verkefnið mikla: kjarn­orku­afvopn­un Kóreu­skaga og að draga Norður-Kóreu inn í sið­menn­ing­una með afnámi grimmi­legrar harð­stjórnar, með upp­töku lýð­ræðis og mark­aðs­kerfis, ásamt með rausnar­legum fjár­stuðn­ingi við landið, þá er ekki ólíklegt, að kindarlegir Rúvarar eigi eftir að horfa upp á afhendingu friðar­verðlauna Nóbels til ... Donalds Trump!

Og það sem meira er: Þá hafa Bandaríkin enn unnið sér veglegan sess sem leiðandi stórveldi meðal ríkja heims.

Jón Valur Jensson.

Trump og Kim undirrituðu sáttmála

Þegar Robert De Niro formælir eigin þjóðhöfðingja opinberlega, fagnar efnishyggjuliðið

"Fuck Trump!" æpti De Niro heit­ur í hamsi, er að honum kom við kynningu tón­list­ar á Tony-verð­laun­um í gær, og uppskar fagn­að­ar­óp prúð­bú­inna áheyr­enda, sem virðast í fjanda­sveit forsetans, en Trump vill lífs­vernd fyrir hina ófæddu, bæði í yfir­lýs­ing­um sínum og verkum. Kemur sízt á óvart, að skemmt­ana­iðnað­urinn, þar sem margir eru á valdi efnis­hyggju og trúleysis, sjái rautt og máli skrattann á vegginn, þegar Donald Trump á í hlut, jafnvel þótt hann með mjög virkum hætti sé að vinna að kjarnorkuafvopnun Kóreuskagans.

 

En Robert De Niro hefur áður (strax árið 2016) ausið úr skálum reiði sinnar vegna Trumps, og þar, á myndbandi "óháðra samtaka", sagði þessi orðprúði leikari m.a. um Trump: "He´s a punk. He´s a dog. He´s a pig"!

Og nú taldi De Niro ekki leng­ur nóg að segja á opinberri samkomu: "Niður með for­set­ann!" heldur bölvaði honum, svo að þaggað var niður í þeim parti ávarps Niros í helztu bandarískri sjónvarpsstöð, en annars staðar heyrðist þetta og m.a. (auðvitað!) í hádegisútvarpi Rúv í dag, [en (viðauki 12/6) Rúvarar eru með Trump á heilanum og reyna að birta hvaða ómerkilega smáfrétt sem er, sem þeir telja geta dregið úr áliti manna á honum, og ókvæðisorð De Niro og fagnaðarlæti samherja hans hafa verið hvalreki fyrir þá! En takist Trump verkefnið á Kóreuskaga og að draga Norður-Kóreu inn í siðmenninguna með afnámi grimmilegrar harðstjórnar, með upptöku lýðræðis og markaðskerfis, ásamt með rausnarlegum fjárstuðningi við landið, þá er ekki ólíklegt, að kindarlegir Rúvarar eigi eftir að horfa upp á afhendingu friðarverðlauna Nóbels til ... Donalds Trump!]

People grein­ir frá því að þessi litla ræða De Niro hafi fengið já­kvæðar viðtök­ur og gest­ir verðlaun­anna fagnað ákaft. (Mbl.is)

Þar hefur skel hæft kjafti, því að afþrey­ingar­iðnað­urinn og margir, sem á honum þrífast, hafa látið lífsafkomu ófæddra barna mæta afgangi í sínum áætlunum hvenær sem eigin hagsmunir hafa togað menn í aðra átt en þá að kannast við skyldu sína að virða helgi lífsins og hinn ótvíræða rétt ófæddra til lífs.

Jón Valur Jensson.

Lét Trump heyra það aftur

Stór dagur fyrir Ísrael

14. maí er hamingjudagur fyrir Ísrael. Fyrir réttum 70 árum var lýðveldið Ísrael stofn­að, og í dag var sendiráð Banda­ríkj­anna opnað við hátíð­lega athöfn í höfuð­borg­inni Jerúsalem. Hér má enn horfa á upp­töku frá þeirri stund (smellið á tengilinn):

 bein útsending

en þar töluðu fulltrúar beggja landanna, einkum sendiherra Bandaríkjanna og Benjamin Netanyahu, forsætisráðherra Ísraels, sem og til dæmis dóttir Trumps Banda­ríkja­forseta og maður hennar af Gyðingakyni, mjög einarður í góðri ræðu, auk mark­verðra trúar­leiðtoga, rabbía og magnaðs baptista, og fallegur söngur ungrar konu, með trúarlegu ívafi, var einnig á dagskránni.

Biðjum Jerúsalem friðar! Guðs blessun sé yfir Landinu helga.

Banda­ríski sendi­herr­ann Dav­id Friedm­an (t.v.) klapp­ar fyr­ir Jared Kus­hner, tengda­syni Don­alds Trump, við opn­un sendi­ráðs Banda­ríkj­anna í Jerúsalem í dag. AFP

Jón Valur Jensson.

Endurnefna fótboltalið eftir Trump

Frábær heimildarmynd um Martin Luther King Jr.

var sýnd í Sjónvarpinu í kvöld. Um 50 ár eru liðin frá því að þessi ómetan­legi leiðtogi mann­rétt­inda­barátt­unnar í Banda­ríkjunum var myrtur. Sjálfur sá hann það fyrir sem óhjá­kvæmi­legt, en hélt samt ótrauður áfram bar­átt­unni fyrir sitt fólk.

 

   

 

Engin klisjukennd upphafning þessa manns var sú kvikmynd, ímynd MLK þurfti sannarlega ekki á því að halda, því að mikil­menni var hann og þó auðmjúkur gagnvart hlutverki sínu og siðferðis­skyldum við þeldökka menn sem um margar kynslóðir höfðu verið kúgaðir og fyrirlitnir, neitað um mörg borgaraleg réttindi og í verstu tilfellum beittir blóðugu ofbeldi, jafnvel myrtir að geðþótta kyn­þátta­haturs­manna, allt niður í barnsaldur, allt fram á seinni hluta 20. aldar, eins og glöggt kemur fram í þessari afhjúpandi, fræðandi mynd. 

 

Umfram allt var þessi kvikmynd trúverðug yfirferð um lífshlaup hans allt, um hans andlegu undirstöður, sem voru kristin trú og réttlætis­kennd, yljuð af biblíulegri, spámannlegri hugsun sem brauzt fram í baráttu þessa predikara og prestssonar fyrir réttlæti í banda­rísku samfélagi, og um að framkvæma allt þetta í verki. Það var allt annað er auðveld barátta; hún kallaði á fórnir margra, einnig hans sjálfs og þá ekki aðeins með fórnar­dauða hans í lokin, heldur margra ára mótbyr marg­ítrekaðra, daglegra morð­hótana við hann og fjölskyldu hans, sem og í illri meðferð lögreglu­manna á honum og hans friðsömu samherjum í mótmæla­göngum þeirra. Hann barðist undir merki kærleikans og vildi sízt alls láta hatur mótherjanna gera sig líkan þeim. Það, meðal annars, aðgreinir hann frá hatursfullum ofbeldismönnum eins og Lenín.

Hafi einhver ekki séð þessa kvikmynd, ætti viðkomandi ekki að láta það dragast, meðan enn er hægt að sjá hana á Sjónvarpi eða hér á Rúv-vefnum.

 

 

  

 

 

Með því að smella á þessa mynd geta menn lesið fleiri fleyg ummæli hans:

 

Jón Valur Jensson.

Frumkvæði Trumps í lífsverndarbaráttu ... og orð Antonins Scalia um "það sem heiminum er heimska"

Thank you Mr. President! WE ARE PRO-LIFE FROM WOMB TO TOMB! segir kaþólskt stúdenta­félag vegna fréttar af Trump:

BREAKING: President Trump Will Address March for Life, 1st President to Speak Via Live Video Feed

LIFE­NEWS.COM   --- Slíkar lífsverndargöngur hafa farið fram árlega í Washington og víðar og geysileg þátttaka; en enginn Bandaríkjaforseti hefur tekið þátt í þeim fyrr en nú.

 

 

Og hollt er einnig að hafa orð þessa fræga hæstaréttardómara hugföst:

jvj.

 

Efnishyggjan lokar augunum fyrir Guðsþakkarverðu afreki Trumps

Í yfirliti Mbl.is (ekki hlutlausu) um verk Trumps á sínu fyrsta forseta­ári fær flutn­ingur sendi­ráðs­ins til Jerúsalem eðli­lega áherzlu, en bezta verki hans á árinu er al­ger­lega SLEPPT: að taka 100M$ ár­legan styrk af fóst­ur­vígs-sam­tök­unum IPP, International Planned Parenthood!

Endurspeglar þetta ekki vanrækslu þessa frétta­miðils við málstað óæddra barna, eins og þau séu of ómerkileg til að "virða þau viðlits"?

Skömm Íslands er mikil í þessu sambandi: Guðlaugur Þórðarson utanríkisráðherra ákvað að þjóðinni óspurðri að ausa milljónum af ríkisfé í þessi mestu fósturvígs­samtök heims, International Planned Parenthood!

Í dag er beðið fyrir ríkisstjórninni í kirkjum landsins, í því taka kristnir þátt (eins og undirritaður), en við biðjum þess líka, að fósturdeyðingum megi linna. Aðeins einn stjórnmálaflokkur, sem nú starfar, hefur lýst sig andvígan þeim, sjá nánar HÉR!

Jón Valur Jensson.

Efnishyggjan lokar augunum fyrir Guðsþakkarverðu afreki Trumps

Í yfirliti Mbl.is (ekki hlutlausu) um verk Trumps á sínu fyrsta forsetaári fær flutningur sendiráðsins til Jerúsalem eðlilega áherzlu, en bezta verki hans á árinu er algerlega SLEPPT: að taka 100M$ árlegan styrk af fósturvígs-samtökunum Planned Parenthood!

Endurspeglar þetta ekki vanrækslu þessa fréttamiðils við málstað óæddra barna, eins og þau séu of ómerkileg til að "virða þau viðlits"?

Skömm Íslands er mikil í þessu sambandi: Guðlaugur Þórðarson utanríkisráðherra ákvað að þjóðinni óspurðri að ausa milljónum af ríkisfé í þessi mestu fósturvígs­samtök heims, International Planned Parenthood!

Í dag er beðið fyrir ríkisstjórninni í kirkjum landsins, í því taka kristnir þátt (eins og undirritaður), en við biðjum þess líka, að fósturdeyðingum megi linna. Aðeins einn stjórnmálaflokkur, sem nú starfar, hefur lýst sig andvígan þeim, sjá nánar HÉR!

Jón Valur Jensson.

Viðburðaríkt fyrsta ár Trumps