Staðgöngumæðrun er bönnuð með lögum á Íslandi

Samkvæmt íslenskum lögum er sú kona sem alið hefur barn, hvort sem það er með tækni­frjóvgun eða með náttúru­leg­um hætti, móðir barnsins og aðrar konur ekki. Kona sem gengur með og elur af sér barn er ekki stað­geng­ill. Hún er í aðal­hlut­verki.

Undanfarin ár hefur verið reynt að koma í gegn á Alþingi frumvarpi um svonefnda staðgöngumæðrun í velgjörðarskyni, en það frumvarp hefur ekki verið samþykkt enn sem komið er.

Er það skoðun undirritaðs að ef staðgöngu­mæðrun verði leyfð á Íslandi muni íslenska þjóðfélagið hægt og rólega breytast í grundvallaratriðum. Í frumvarpi þessu er látið að því liggja að um sé að ræða góðverk sem nokkrir einstaklingar munu koma að á hverju ári. Mun þetta að mínu mati leiða af sér ófyrirsjáanlegar breytingar á hugsun okkar allra um barneignir, meðgöngu, fjölskyldulíf, ábyrgð á börnum og uppeldi þeirra. Þetta eru grunngildi sem menn eiga ekki að róta í, því við vitum ekki hvaða afleiðingar það hefur. Það munu koma sífellt nýjar kröfur um hverjum verði leyfilegt að nýta sér þessi úrræði.

Með frumvarpinu er ætlunin að breyta lagalegri skilgreiningu á móðurhlutverkinu, enda hefði þurft að breyta barnalögum ef frumvarpið hefði náð fram að ganga. Í stað hefðbundins skilnings, að móðir sé sú kona sem elur barn, verður hugtakið útvíkkað og sagt að það sé einnig sú sem fær aðra konu til að ganga með barn og á erfðaefnið. Og sú sem elur barnið (staðgöngumóðirin) skal þá ekki teljast móðir þess (að skilningi barnalaga). Þetta þykir rétt að gera svo staðgöngumóðirin geti ekki krafist barnsins að lokinni meðgöngu.

Hér fyrir neðan er vitnað í andmæli fyrrverandi biskups Íslands Karls Sigurbjörnssonar sem hann ritaði Alþingi 5. desember 2011 gegn frumvarpi Ragnheiðar Elínar um staðgöngumæðrun.

"Ég vil sérstaklega taka undir sjónarmið Þjóðmálanefndar, að barn er ekki réttur - barn hefur rétt.
Ég vil taka undir með Þjóðmálanefnd kirkjunnar sem varar við því að vikið verði frá barnalögum og farið á svig við Barnasáttmála Sameinuðu þjóðanna sem leggur megináhersla á hagsmuni barnsins - að það megi alast upp í öryggi og kærleika.
Þar er og sala á börnum (og verslun með...) bönnuð og sala á börnum skilgreind í viðauka: "hvers kyns aðgerð eða viðskipti þar sem einstaklingur eða hópur fólks framselur öðrum barn gegn þóknun eða hvers kyns öðru endurgjaldi.""

Og herra Karl tók enn sterkar til orða:

"Ég tel fortakslaust að við séum skuldbundin þeim grundvallarsjónarmiðum, sem Barnasáttmálinn og barnalögin byggja á, að hagsmunir barnsins eigi að vera ráðandi. Samkvæmt því eru grundvallarréttindi að barn þekki foreldra sína. Setja verður hagsmuni barnsins í forgang, þannig að ekki verði hætta á að barn verði þrætuepli meðgöngumóður og kynmóður.
Ég tel fulla ástæðu til að óttast markaðsvæðingu í þessum efnum. Barnið er verðlagt, þó það sé skilgreint sem uppbót fyrir vinnutap, t.d. þó að um velgjörð sé að ræða. Það eru nú þegar alþjóðleg fyrirtæki sem annast milligöngu í þessum efnum, hér er um alþjóðaviðskipti að ræða sem velta háum fjárhæðum. Barnið og líkami konunnar verður að söluvöru. Það er óhæfa.
Það eru brýnir hagsmunir í húfi að koma í veg fyrir verslun með börn og móðurlíf."

Alþingi ætti ekki að samþykkja umrætt frumvarp um staðgöngumæðrun, því með frumvarpinu er verið að stíga eitt skref afturábak í baráttunni fyrir jafnrétti kynjanna. Það er verið að gera kvenlíkamann að verkfæri til að uppfylla óskir og þrár annarra. Þrá ófrjórra para til þess að eignast barn er vel skiljanleg en það er varasamt að líta á barneignir sem rétt. Á alþjóðlegum vettvangi er litið svo á að réttur barna til foreldra sé ríkari en réttur fólks til að stofna fjölskyldu.

Frumvarpið býður að mínu mati upp á það að staðgöngumæðrun verði misnotuð til að hagnast á. því samkvæmt frumvarpinu er heimilt að borga staðgöngumóður gjald fyrir tilföllnum kostnaði á meðgöngunni. Það er í raun ekkert sem getur komið í veg fyrir að leynileg greiðsla verði innt af hendi til móður eða jafnvel þriðja aðila. Þar að auki getur staðgöngumóðir orðið fyrir ófyrirsjáanlegum kostnaði, t.d. vegna vinnutaps eða jafnvel örorku í kjölfar meðgöngu eða fæðingar.

Staðgöngumæðrun er konum ekki náttúruleg og veldur andlegum og líkamlegum fylgikvillum, t.d langvarandi sorg og depurð. Konan þarf að berjast gegn eðli sínu sem er að elska það barn sem hún gengur með. Það eru til dæmi um annað, en það eru undantekningar. Stað­göngu­mæðrun hefur áhrif á börn þeirra mæðra, sem það gera. "Mamma gengur með barn, en það er ekki systkini mitt."

Steindór Sigursteinsson.

Ronaldo faðir tveggja nýfæddra barna

HUGLEIÐINGAR UM STAÐGÖNGUMÆÐRUN

eftir Guðmund Pálsson lækni.

Sérstök lög um stað­göngu­mæðrun eru að mínu áliti mikil mistök. Hér eru taldar til nokkrar ástæður:
1. Það mun verða greitt fyrir með­gönguna þrátt fyrir tal um annað. 
2. Fleiri og fleiri munu telja sig eiga rétt á að eignast barn með stað­göngu­mæðrun, t.d veikt fólk, með sykursýki, offitu, háan blóðþrýsting, þrönga grind o.s.frv. Einnig óhamingjusamir menn, einstæðingar, fólk með afbrigðilegar kynhvatir og geðkvilla - sem undir venjulegum kringumstæðum hefðu ekki eignast barn og munu eiga erfitt með að taka á sig foreldraábyrgð. 
3. Bróðurpartinn mun verða gengið með erlendis. Auðvitað þarf að greiða fyrir það. Veit einhver dæmi um annað? 
4. Í mörgum tilfellum mun ríkið þurfa að bera kostnað til að bjarga hlutunum fyrir horn þegar eitthvað bregður út af. Til dæmis alvarlegir fylgikvillar á meðgöngunni, fæðingareitrun, "gallað" barn o.s.frv., þegar móttakandinn treystir sér ekki lengur til að taka þátt og móðirin jafnvel ekki heldur. 
5. Börnin munu í mörgum tilfellum missa af eðlilegu fjölskyldulífi, til dæmis umgengni við bæði kynin. Það er í lagi þegar hlutirnir æxlast þannig í lífinu, en það er ekki í lagi að ríkið skipuleggi það þannig með lagasetningu og veiti því brautargengi með greiðslu úr sameiginlegum sjóðum.
6. Staðgöngumæðrun er konum ekki náttúruleg og veldur andlegum og líkamlegum fylgikvillum, t.d langvarandi sorg og depurð. Konan þarf að berjast gegn eðli sínu sem er að elska það barn sem hún gengur með. Það eru til dæmi um annað, en það eru undantekningar.
7. Stað­göngu­mæðrun hefur áhrif á börn þeirra mæðra, sem það gera. "Mamma gengur með barn, en það er ekki systkini mitt."
8. Lögfest staðgöngumæðrun mun breyta samfélaginu, hugmyndum okkar um móðurhlutverkið, foreldrahlutverkið og fjölskylduna. Það mun breyta hugmyndum um ábyrgð á börnum og uppeldi þeirra, hvernig það verður best gert og hvaða kröfur eru eðlilegar í því sambandi. 
Þegar það breytist - breytist margt annað í leiðinni. Það munu koma upp fylgikvillar.
Athugið að gagnrýni mín lýtur að stað­göngu­mæðrun sem er kerfisbundin með þátttöku löggjafans og ríkisins. Það er hún sem er vafasöm. 
Einstaka tilfelli stað­göngu­mæðrunar getur heppnast, innan fjölskyldu meðal fólks sem þekkist og gerir þetta af kærleika eða vináttu. En þetta sem við erum að fara út í er allt annað mál.

Kristilegs þjóðarflokks er þörf hér á landi sem aldrei fyrr

Mér finnst vera full ástæða til þess að stofna kristilegan stjórnmálaflokk á Íslandi. Það er á svo mörgum sviðum sem lög Guðs eru brotin í samfélagi okkar. Flokkar eins og Sjálfstæðisflokkurinn hafa tekið skref til lægra siðferðis. En þar má nefna framlagningu áfengisfrumvarpsins, frumvarp um lögleiðingu spilavíta, tillögur um staðgöngumæðrun, afglæpavæðingu vímuefnaneyslu o.fl.

Mikil umræða er hjá mörgum stjórnmálaflokkum um breytingar á stjórnarskrá og aðskilnað ríkis og kirkju. Unnið er að eyðileggingu Reykjavíkurflugvallar og miðar þeim áróðri og því sérhagsmunapoti hægt, en ákveðið áfram.

Skaðlegt viðskiptabann er í gildi gagnvart Rússum sem skaðar engan nema okkur Íslendinga.

Allt eru þetta mál sem þarf að standa gegn. Og að sjálfsögðu ber að vinna gegn fóstureyðingum og afkristnun í skólum, með nýtilkominni kennslu Samtakana 78, í sumum grunnskólum.

Steindór Sigursteinsson.

Alþingi ætti ekki að samþykkja frumvarp um staðgöngumæðrun

 

Mikið hefur verið rætt upp á síðkastið á Alþingi um frumvarp um svonefnda staðgöngumæðrun sem heilbrigðisráðherra mælti fyrir í síðasta mánuði. Liggur umsögn um frumvarpið nú fyrir Alþingi. Ljóst er af umræðum á þingi að skoðanir eru mjög skiptar um þetta mál. Hafa menn m.a. gagnrýnt að verið sé að gera líkama kvenna að vettvangi fyrir aðra til þess að ná óskum sínum og markmiðum fram.

 

Frumvarpið var samið af starfshóp sem skipaður var í september 2012, en nái það fram að ganga verður sett á laggirnar þriggja manna nefnd, sem verður m.a. falið að veita leyfi til staðgöngumæðrunar. Samkvæmt frumvarpinu verður heimilt að nýta staðgöngumæðrun erlendis en refsivert verður að nýta sér staðgöngumæðrun í löndum þar sem löggjöfin er ólík þeirri íslensku. Verður hlutverk nefndarinnar að fjalla um mál þeirra sem koma heim með barn eftir að hafa nýtt sér staðgöngumæðrun erlendis.

 

Eðlilega hefur þeirri spurningu verið varpað fram, hvað gert verði ef fólk kemur heim með barn frá landi þar sem löggjöf um staðgöngumæðrun er ólík þeirri Íslensku. Verður barnið sent til baka eða sett í fóstur hérlendis? Þessari spurningu varpaði Sigríður Ingibjörg Ingadóttir, þingmaður Samfylkingar fram þegar heilbrigðisráðherra mælti fyrir frumvarpinu þann 20 október sl. Undir þetta tók Svandís Svavarsdóttir, þingmaður Vinstri grænna en hún sagði að með löggjöfinni væri verið að opna á það að börn lentu hjá barnaverndarnefndum og í reiðuleysi.

 

Steingrímur J. Sigfússon, þingmaður Vinstri grænna, varpaði fram þeirri tímabæru spurningu: “Hverju sætir það að við erum komin hingað í þessu máli?” Gagnrýndi hann að menn hefðu lagt fram þingsályktunartillögu 2012 þrátt fyrir að vinnuhópur sem skipaður var 2009 til að fjalla um þessi mál komst að þeirri niðurstöðu að ekki væri tímabært að heimila staðgöngumæðrun. Sagði hann "að í þessu máli ætti þingið að láta það eftir sér að spóla til baka", önnur Norðurlönd hefðu verið að þokast í þveröfuga átt þegar kæmi að lagasetningu og ekki ríkti samfélagssátt um málið.

 

Katrín Jakobsdóttir formaður Vinstri grænna spurði hvaða skilaboð væri verið að senda með því að setja lög til að geta samningsbundið konur til að gegna því hlutverki að uppfylla óskir og drauma annarra. Sagði hún að þetta væri helsta ástæða þess að önnur Norðurlönd hefðu valið að leggja ekki í þessa vegferð, en um væri að ræða grundvallarspurningu um rétt barna til foreldra og hvernig samfélagið horfði á konur og karla.

 

Þessi ummæli þingmanna Samfylkingar og Vinstri grænna eiga fullan rétt á sér að mínu mati. Það á ekki að gera kvenlíkamann að verkfæri eða framleiðslutæki, en frumvarpið gerir ráð fyrir að kona geti þrisvar sinnum gengið með barn fyrir annað fólk. Það eru takmörk fyrir því hversu langt eigi að ganga til að koma til móts við þá sem ekki geta átt barn. Konur geta ekki verið vettvangur réttinda annarra einstaklinga, eins og Bjarkey Olsen Gunnarsdóttir, þingmaður Vinstri grænna sagði á Alþingi þann 20. október.

 

Samkvæmt frumvarpinu þarf kona sem gerist staðgöngumóðir að hafa átt barn áður a.m.k. einu sinni, vera heil heilsu, og vera á aldrinum 25-39 ára. Hefur kona rétt á að halda barninu þar til barnið verður 2 mánaða og hefur hún rétt á að skipta um skoðun fram að þeim tíma. Ef álitamál koma upp þá er í fjölda tilfella vísað til dómstóla samkvæmt frumvarpinu. En þar er verið “að hlutgera líkama kvenna” og ætlast til þess að konur “aftengdu sig móðurlífi sínu” eins og Steingrímur J. sagði svo listavel.

 

Alþingi ætti ekki að samþykkja umrætt frumvarp um staðgöngumæðrun, því með frumvarpinu er verið að stíga eitt skref afturábak í baráttunni fyrir jafnrétti kynjanna. Það er verið að gera kvenlíkamann að verkfæri til að uppfylla óskir og þrár annarra. Þrá ófrjórra para til þess að eignast barn er vel skiljanleg en það er varasamt að líta á barneiginir sem rétt. Á alþjóðlegum vettvangi er litið svo á að réttur barna til foreldra sé ríkari en réttur fólks til að stofna fjölskyldu.

 

Frumvarpið býður að mínu mati upp á það að staðgöngumæðrun verði misnotuð til að hagnast á.  Því samkvæmt frumvarpinu er heimilt að borga staðgöngumóður gjald fyrir tilföllnum kostnaði á meðgöngunni.  Það er í raun ekkert sem getur komið í veg fyrir að leynileg greiðsla verði innt af hendi til móður eða jafnvel þriðja aðila.  Þar að auki getur staðgöngumóðir orðið fyrir ófyrirsjáanlegum kostnaði td. vegna vinnutaps eða jafnvel örorku í kjölfar meðgöngu eða fæðingar.  Og hvar er réttur hennar þá?

 

Steindór Sigursteinsson.

Helztu heimildir auk viðtengdrar fréttar:

http://www.mbl.is/frettir/innlent/2015/10/20/deilt_a_og_um_stadgongumaedrun/

og http://www.mbl.is/frettir/innlent/2015/10/22/myndi_virka_best_i_oruggum_ramma/

Höfundur talar hér ekki aðeins í eigin nafni, heldur samtakanna.

Meðgöngumæðrun, ekki staðgöngumæðrun

Staðgöngumæðrun er enn lögbrot

• Í skýrslu sem sálfræðingurinn skilaði frá sér eftir heimsóknina kemur fram að hann gruni að þarna hafi verið framinn glæpur

segir í frétt Mbl.is af staðgöngumæðrun erlendrar konu fyrir tvo samkynhneigða karlmenn. Ugglaust kemur það til af því, að gerningurinn er ekki löglegur hér á landi.

Ríkisstjórnin hefur í marz lagt fram frumvarp um löggildingu slíks, en margir eru á móti því, m.a. Vinstri grænir.

Ragnheiður Elín Árnadóttir, sem fer með heilbrigðismál, er hins vegar ákaflega fylgjandi þessu máli, ugglaust ólíkt mörgum kristnum í flokki hennar, en seint sjá þeir raunar tekið tillit til sín í stefnu flokksins í ýmsum málum og eiga jafnvel naumast þar heima vegna andkristinna aðgerða flokksins í málefnum ófæddra barna, í vændismálum og um hjúskaparlöggjöf sem þvingandi áhrif hefur á Þjóðkirkjuna og er þó í beinni andstöðu við boð Nýja testamentisins.

Meðal þeirra, sem hafa andmælt frumvarpi Ragnheiðar Elínar áður um staðgöngumæðrun, er Karl Sigurbjörnsson, fyrrv. biskup Íslands, sem 5. des. 2011 ritaði Alþingi mjög skörulegt álit um þetta málefni, sem ýmislegt er birt úr hér neðar.*

Greinilega hefur fæðingin í þessu tilfelli átt sér stað með óvenjulegasta móti. Lesið af athygli:

• Kon­an átti barnið í sund­laug í eld­húsi hjón­anna og var nán­asta fjöl­skylda viðstödd, í heild­ina fimmtán manns.

Rúmgott eldhús það, sem hýsir ekki aðeins sundlaug, heldur 15 manna áhorfendaskara. Engin furða að sýslumaður hafi viljað láta kanna betur heimilisaðstæður mannanna tveggja. Sálfræðingur var sendur á vettvang, og af skýrslu hans segir hér stuttlega í fyrstu setningu þessa pistils.

Mál ríka fólksins - og dílemma róttæklinganna

Staðgöngumæðrun er ekki sízt illa þokkuð vegna margra dæma um að ríkt fólk í Vesturheimi og í Evrópu hefur keypt fátækar konur til að lána sér líkama sinn gegn greiðslu; neyð viðkomandi er þannig nýtt til þægindaauka fyrir viðkomandi ríkiskonur; ekki tognar á kviðnum á meðan, karríerinn ótruflaður, sálarálag lítið sem ekkert. Ljótustu dæmin eru þau, að viðkomandi staðgöngumóðir gengur með og fæðir barnið, en þegar í ljós kemur, að á því eru fæðingargallar, þá vilja viðkomandi ríkishjón ekkert hafa með barnið að gera, ætla meðgöngukonunni að sitja uppi með það og þess galla! Hafa mjög umtöluð slík tilfelli komizt í hámæli.

Ekki er þetta nú í takti við meinta samstöðu vinstri manna með fátækum, enda er VG-flokkurinn heilli í þessu máli en Samfylkingin (flokkur félagsráðgjafa, femínista, ríkisstarfsmanna og jötufólks kerfisins).

Samt eru ýmsir ofurróttæklingar á þessu máli, m.a. þeir sem vilja fá það í gegn til að það geti þjónað samkynhneigðum pörum, sem af náttúrunnar hendi geta ekki átt barn saman. Og þar sem viðhorfið er, að látið skuli undan öllum kröfum samkynhneigðra (eða háværra einstaklinga í hópnum), þá er bara keyrt á þetta mál, enda hefur hörð efnishyggja oft einkennt sósíalista ekkert síður en ofurfrjálshyggjumenn á hægri vængnum.

En skoðið þessar undarlegu kringumstæður við samgöngumæðrun fréttarinnar:

• Í viðtal­inu við hjón­in kom fram að kon­an vildi ekki fara í tækn­isæðingu held­ur kaus hún að þau myndu sjálf fram­kalla sæðingu heima hjá henni. Hún hafði sjálf eign­ast fjög­ur börn og vildi láta gott af sér leiða en þá [sic] er faðir henn­ar einnig sam­kyn­hneigður líkt og hjón­in.
• Hjón­in borguðu kon­unni ekk­ert, hvorki fyr­ir meðgöng­una né ferðalög og segja þeir að hún hafi alltaf leitt talið að öðru þegar þeir vildu ræða greiðslu.

Annaðhvort trúum við því eða ekki, að engin greiðsla hafi verið innt af hendi. Hvort heldur sem er, birtir þetta í raun dílemmu róttæklinganna í hnotskurn: Þeim finnst það í himnalagi að kona gangi þannig með barn annarra í 9 mánuði, en samt er þetta sama fólkið sem talar hátt um rétt kvenna til fósturdeyðingar, jafnvel af hvaða ósk sem er, en eitt af því, sem fylgismenn þess sjónarmiðs hafa sett algerlega fyrir sig, er að það sé hin mesta ósvífni af lífsverndarsinnum að ætlast til þess að kona gangi með barn sem hún vilji ekki. En hér í þessu máli finnst "róttæklingunum" alveg rétt að ríkt fólk fái í krafti auðs síns slíkt tangarhald á móðurlífi fátækra kvenna! (Sbr. einnig hér: Ef "staðgöngumæðrun" gengur upp, þá getur kona allt eins gefið barn í stað þess að fara í fósturdeyðingu.)

Úr áliti Karls Sigurbjörnssonar, þáv. biskups Íslands

Þar* segir m.a. (leturbr. jvj):

• "Ég vil sérstaklega taka undir sjónarmið Þjóðmálanefndar, að barn er ekki réttur - barn hefur rétt. [...]
• Ég vil taka undir með Þjóðmálanefnd kirkjunnar sem varar við því að vikið verði frá barnalögum og farið á svig við Barnasáttmála Sameinuðu þjóðanna sem leggur megináhersla á hagsmuni barnsins - að það megi alast upp í öryggi og kærleika.
• „Þar er og sala á börnum (og verslun með...) bönnuð og sala á börnum skilgreind í viðauka: "hvers kyns aðgerð eða viðskipti þar sem einstaklingur eða hópur fólks framselur öðrum barn gegn þóknun eða hvers kyns öðru endurgjaldi.“"

Og herra Karl tók enn sterkar til orða:

• Ég tel fortakslaust að við séum skuldbundin þeim grundvallarsjónarmiðum, sem Barnasáttmálinn og barnalögin byggja á að hagsmunir barnsins eigi að vera ráðandi. Samkvæmt því eru grundvallarréttindi að barn þekki foreldra sína. Setja verður hagsmuni barnsins í forgang, þannig að ekki verði hætta á að barn verði þrætuepli meðgöngumóður og kynmóður.
• Ég tel fulla ástæðu til að óttast markaðsvæðingu í þessum efnum. Barnið er verðlagt, þó það sé skilgreint sem uppbót fyrir vinnutap, td. þó að um velgjörð sé að ræða. Það er nú þegar alþjóðleg fyrirtæki sem annast milligöngu í þessum efnum, hér er um alþjóðaviðskipti að ræða sem velta háum fjárhæðum. Barnið og líkami konunnar verður að söluvöru. Það er óhæfa.
• Það eru brýnir hagsmunir í húfi að koma í veg fyrir verslun með börn og móðurlíf.

Tökum eftir því líka, að aðeins tveir umsagnaraðilar af 16 mæltu með staðgöngumæðrun!

Einnig þetta úr áliti Þjóðmálanefndar kirkjunnar tók herra Karl undir:

• "Það má líka geta þess að bæði systurþjóðir okkar og systurkirkjur á Norðurlöndum hafa ekki séð ástæðu til þess að leyfa staðgöngumæðrun. Reglugerðir eru ekki alveg samhljóða en afgerandi þegar kemur að staðgöngumæðrun.“ (Leturbr. jvj.)

Skoðið hér einnig efnisflokkinn Staðgöngumæðrun sem sýnir stefnu Kristinna stjórnmálasamtaka í þessu máli, en í drögum að stefnuskrá þeirra segir stutt og skorinort: "– Við erum andvíg staðgöngumæðrun. [Sjá greinar á vefnum Krist.blog.is.]"

* Álit Karls biskups: https://www.althingi.is/pdf/erindi/?lthing=140&dbnr=643

Jón Valur Jensson tók saman.

Notuðu staðgöngumóður

Aðeins tveir umsagnaraðilar af 16 mæltu með staðgöngumæðrun!

Það hefur vart farið fram hjá öðrum en blindum og heyrnarlausum í senn, að hart hefur verið keyrt á áróður fyrir staðgöngumæðrun í fjölmiðlum í vetur. Nokkrir hafa þó orðið til andmæla, m.a. Femínistafélag Íslands. Veturinn 2011 var verið að vinna að þessu máli fyrir Alþingi, og í tilefni af því birtist hér pistill 26. febr. 2011 sem hér er endurbirtur og því einu breytt, að sagnorðið "mæla" í fyrirsögninni er nú "mæltu". Fleiri greinar verða birtar hér um málið bráðlega – ekki veitir af, því að einþykk er Ragnheiður Elín Árnadóttir í þessu máli rétt eins og náttúrupassanum og keyrir á að koma þeim báðum í gegn fyrir vorið. Megi það aldrei verða! –JVJ.

Aðeins tveir umsagnaraðilar af 16 mæla með staðgöngumæðrun

Þetta er mikilvæg staðreynd. Félög og samtök hvetja til þess í umsögnum sínum til heilbrigðisnefndar Alþingis, "að farið verði varlega í að leyfa staðgöngumæðrun. Þörf sé á meiri umræðu um málið. Af 16 umsögnum sem borist hafa eru 14 neikvæðar í garð málsins." (Mbl.s.)

Sagt var líka frá þessu í hádegisútvarpi Rúv í dag, en undarlegt nokk kaus fráttamaðurinn (Björn Malquist) að ræða bara við Ragnheiði Elínu Árnadóttur um málið, rétt eins og hún hafi ekki fengið ærinn tíma til þess í Rúv og öðrum fjölmiðlum frá áramótum og sannarlega notfært sér það út i yztu æsar! Ekki getur undirritaður kallað þetta fréttaflutning þar sem gætt er jafnvægis. Svo lét þingkonan eins og fjallað hefði verið nægilega vel um málið fram undir þetta! Svo rangt hjá henni! En að þetta sé hennar stóra áhugamál, um það þarf ekki að efast.

• Aðeins Staðganga - stuðningsfélag staðgöngumæðrunar á Íslandi og Tilvera - samtök um ófrjósemi mæla með að tillagan verði samþykkt. (Mbl.is.)

Og hér má lesa allar umsagnir um tillöguna á vef Alþingis. Frumvarpið er hér: staðgöngumæðrun.

Guðmundur Pálsson læknir hefur fjallað vel um þetta mál á vef sínum, gp.blog.is:

• Full staðgöngumæðrun
• Hefðbundin staðgöngumæðrun
• Staðgöngumæðrun: ný tegund frjálsræðis hjá áttavilltri þjóð eða mannréttindi?
• Staðgöngumæðrun - hvað á að leyfa og hvað á að banna.

Það gerði einnig Ástríður Stefánsdóttir, læknir og siðfræðingur (Álitamál er lúta að staðgöngumæðrun, einnig HÉR).

Jón Valur Jensson. 

Frábært hjá Vinstri grænum að leggjast gegn staðgöngumæðrun

Frétt var að berast um það af landsfundi þeirra í dag, á sama tíma og sorgleg frétt barst af landsfundi sjálfstæðisflokksins. VG leggjast gegn staðgöngumæðrun bæði í hagnaðar og velgjörðaskyni. Kvenréttindakonur flokksins lögðu réttilega áherzlu á þetta, gegn þeirri "frjálslshyggju" Ragnheiðar Elínar Árnadóttur sjálfstæðiskonu, sem vill að sumar konur fái að binda sig og sinn líkama við barneignaþjónustu fyrir aðrar konur, sem eru þá gjarnan ríkari.

Ragnheiður kemur úr kjördæmi ArtMedica, sem vill bjóða upp á þessa "þjónustu". Er eitthvert samband þar á milli?

Jón Valur Jensson. 

Leggjast gegn staðgöngumæðrun

Klofningur í röðum þingmanna um "staðgöngumæðrun"

Frumvarpið um "staðgöngumæðrun" var í 10-fréttum Sjónvarps í kvöld, það er á leið í 1. atkvæðagreiðslu í þinginu á morgun. Þetta er VANHUGSAÐ frumvarp, allsendis óþarft og yrði sem "slippery slope" til mikillar misnotkunar og engin leið til að tryggja, að það verði farið eftir því, að þetta feli ekki í sér peningagreiðslur til fátækra kvenna fyrir að ganga með börn ríkari kvenna og karlapara að auki ... Sjá um þetta greinar hér á vefnum, síðast þessa í dag: Verzlunarmennskuhugarfar Sjálfstæðisflokksforystu keyrir áfram á stórvarasamt frumvarp um að konur gangi með börn fyrir aðrar konur eða fyrir karlapör. –JVJ.

Var staðgöngumæðrun það sem Sjálfstæðisflokkurinn var mýktur með til að samþykkja aukin völd Jóhönnu?!

Svo mætti ætla. Jóhanna dirfðist að hóta því, að það frumvarp yrði ekki afgreitt, ef einræðisfrumvarp hennar yrði ekki samþykkt! Augljósari verða vart hrossakaupahættir stóru þingflokkanna né siðleysið. Nú í dag er staðgöngumæðrun skyndilega orðið forgangsmál, eftir að stjórnarráðsfrumvarp Jóhönnu var samþykkt í gær (sbr. stutta greiningu HÉR í umfjöllun undirritaðs). Merkileg tilviljun eða hitt þó heldur!!!

Samt var sagt í byrjun þessa mánaðar í fréttum frá Alþingi: "Meirihluti [heilbrigðis]nefndarinnar samþykkti tillöguna með nokkrum orðalagsbreytingum og að kveðið yrði á um að frumvarpið yrði lagt fram í síðasta lagi í mars 2012," sjá nánar hér: Illu heilli er reynt að afgreiða frumvarp um staðgöngumæðrun. En nú hefur Ragnheiði Elínu Árnadóttur alþm. legið svo mikið á – kannski fyrir fyrirtækið ArtMedica í hennar kjördæmi – að það varð að setja þetta mál í forgang strax í dag! – Já, og sennilega klára það í dag!

Tveir þingmenn voru með múður þess vegna: Álfheiður Ingadóttir, sem vildi ekki, að þetta frumvarp gengi fyrir einhverju öðru um tryggingarmál, og mótmælti hástöfum í þinginu nú í morgun, – og Þór Saari, sem kvað þetta frumvarp um staðgöngumæðrun þurfa miklu meiri umræðu en hér stendur til. Um það erum við honum sammála hér í Kristnum stjórnmálasamtökum, en margt hefur verið ritað um málið á vefsíðuna hér (sjá tengilinn ofar).

Svo halda sumir, að það sé óþarfi að hafa kristinn flokk á Alþingi !!! Eiga menn kannski að treysta á hinn efnishyggjulega Sjálfstæðisflokk, að hann slá skjaldborg um kristið siðferði í lífsverndar- og fjölskyldumálum?!!! Hefur reynslan sýnt mönnum, að það hafi gefizt vel? Halda ekki öfgarnar á jaðri vestræns siðferðis í þeim efnum sífellt áfram í þeim flokki, eftir að bandalag þar við kristna áhrifamenn, allt fram yfir 1960, leið undir lok? Hvert eftir annað hafa andkristnu lagafrumvörpin oltið í gegnum þingið fyrir tilverknað Sjálfstæðisflokksins. Það er langur listi, og þetta getur aðeins versnað, góðir lesendur. Kristið fólk þarf að kippa sér úr sambandi við þennan flokk og löngu kominn tími til.

Jón Valur Jensson.

Illu heilli er reynt að afgreiða frumvarp um staðgöngumæðrun

Ofurfrjálshyggjuhugmyndir Ragnheiðar Elínar Árnadóttur, þingflokksformanns Sjálfstæðisflokksins, um staðgöngumæðrun mætir misjöfnum undirtektum, en samþykki fyrir því rétt marðist í gegn í heilbrigðisnefnd Alþingis sem er "klofin þvert á flokka í afstöðu sinni. Í [þingsályktunar]tillögunni leggur þingmaðurinn til að heilbrigðisráðherra verði falið að skipa starfshóp sem undirbúi frumvarp til laga sem heimili staðgöngumæðrun" (Mbl.is).

Í heilbrigðisnefnd Alþingis eiga sæti:

Aðalmenn
	139	6	h	Guðfríður Lilja Grétarsdóttir 3, SV, Vg,
	139	2	h	Guðlaugur Þór Þórðarson 5, RS, S,
	139	1	h	Jónína Rós Guðmundsdóttir 10, NA, Sf, varaform.
	139	8	h	Kristján L. Möller 3, NA, Sf,
	139	7	h	Ragnheiður Ríkharðsdóttir 8, SV, S,
	139	9	h	Sigríður Ingibjörg Ingadóttir 4, RS, Sf,
	139	5	h	Siv Friðleifsdóttir 6, SV, F,
	139	4	h	Þórunn Sveinbjarnardóttir 7, SV, Sf,
	139	3	h	Þuríður Backman 5, NA, Vg, form.

• "Meirihluti nefndarinnar samþykkti tillöguna með nokkrum orðalagsbreytingum og að kveðið yrði á um að frumvarpið yrði lagt fram í síðasta lagi í mars 2012 í stað mars 2011 áður."

HÉR! má lesa um allan feril málsins. En hvernig féllu atkvæði núna í nefndinni?

• Voru fimm atkvæði gegn fjórum atkvæðum minni hlutans. Guðfríður Lilja Grétarsdóttir, þingmaður Vinstri hreyfingarinnar-Græns framboðs og formaður nefndarinnar, er samþykk tillögunni ásamt Kristjáni L. Möller þingmanni Samfylkingarinnar. Hinir þrír þingmennirnir koma úr flokki Sjálfstæðismanna og Framsóknarmanna.Fjórir stjórnarþingmenn leggjast gegn samþykkt tillögunnar, „vegna þeirrar eindregnu afstöðu sem þar birtist um að heimila eigi staðgöngumæðrun þótt með ströngum skilyrðum sé.“ (Mbl.is).

Með tillögunni hafa þá greitt atkvæði þessi fimm: Guðlaugur Þór Þórðarson, Ragnheiður Ríkharðsdóttir og Siv Friðleifsdóttir úr stjórnarandstöðu ásamt Guðfríði Lilju og Kristjáni Möller úr stjórnarflokkunum, en á móti voru Jónína Rós Guðmundsdóttir, Sigríður Ingibjörg Ingadóttir og Þórunn Sveinbjarnardóttir (nema varamaður hafi tekið sæti hennar) úr Samfylkingu og Þuríður Backman úr Vinstri grænum.

Lesendur þurfa ekki að fara í grafgötur um afstöðu Kristinna stjórnmálasamtaka í þessu máli. Um það hafa verið skrifaðar hér þó nokkrar greinar, eins og hér má sjá, með upphafsorðum hverrar (smellið á fyrirsögn til að komast inn í grein):

Af hverju ættum við að hugsa okkur tvisvar um, áður en staðgöngumæðrun er leyfð. Fyrri hluti

Kristin stjórnmálasamtök | 10. maí 2007

Nýlega var auglýst eftir staðgöngumóður í íslensku dagblaði og kom til stuttrar umræðu hvort leyfa ætti staðgöngumeðgöngu á Íslandi. Í fyrstu virðist um afar fagra og rómantíska hugmynd að ræða en sú er sannarlega ekki reyndin ef málin eru skoðuð nánar.

Hér er skrifað af viti um staðgöngumæðrun

Kristin stjórnmálasamtök | 6. janúar 2011

Á þessum kalda þrettánda vill undirritaður vekja athygli á frábærri lesningu eftir heilsugæzlulækni: Staðgöngumæðrun: ný tegund frjálsræðisorgíu hjá áttavilltri þjóð eða mannréttindi? og ennfremur í þessari nokkrum dögum eldri grein: Staðgöngumæðrun -

Staðgöngumæðrun rædd í Neskirkju

Kristin stjórnmálasamtök | 15. febrúar 2011

Mjög góður hádegisfundur í safnaðarheimili Neskirkju í gær er nú endurfluttur á Rás 1, hófst kl. 20.30. Sr. Baldur Kristjánsson er fyrstur ræðumanna, þá Sólveig Anna Bóasdóttir siðfræðingur, svo sr. Irma Sjöfn Óskarsdóttir og loks frjálsar umræður.

Aðeins tveir umsagnaraðilar af 16 mæla með staðgöngumæðrun

Kristin stjórnmálasamtök | 26. febrúar 2011

Þetta er mikilvæg staðreynd. Félög og samtök hvetja til þess í umsögnum sínum til heilbrigðisnefndar Alþingis, "að farið verði varlega í að leyfa staðgöngumæðrun. Þörf sé á meiri umræðu um málið. Af 16 umsögnum sem borist hafa eru 14 neikvæðar í garð

Staðgöngumóðir heldur barninu

Kristin stjórnmálasamtök | 23. janúar 2011

Hér er frétt, sem birtist á nýliðnum degi á Vísi.is: " Staðgöngumóðir heldur barninu Jón Hákon Halldórsson skrifar: Dómari í Bretlandi hefur dæmt að staðgöngumóðir sem ákvað að ganga með barn fyrir par skuli halda barninu. Konan samþykkti að ganga með

Rjúpan við staurinn þrammar inn á þjóðina eftir rauða dreglinum

Kristin stjórnmálasamtök | 26. febrúar 2011

Ragnheiður Elín Árnadóttir alþm. ætlar greinilega að keyra áfram á staðgöngumæðrun "no matter what", með 14 af 16 umsögnum um málið andstæðar því og þrátt fyrir að flest lönd, m.a. Norðurlöndin, leyfi þetta ekki. Á rauða dreglinum er henni boðið í alla

Ef "staðgöngumæðrun" gengur upp, þá getur kona allt eins gefið barn í stað þess að fara í fósturdeyðingu

Kristin stjórnmálasamtök | 22. apríl 2007

Í þessari frétt á Rúv í hádeginu í dag er sagt frá auglýsingu ónefnds pars eftir staðgöngumóður. Notaður yrði fósturvísir frá parinu, en íslensk lög leyfa þetta ekki, svo að það yrði að gerast erlendis. Stöldrum aðeins við. Hér er greinilega stefnt að

Af hverju ekki staðgöngumæðrun? Hugleiðingar um siðferðilegan vanda. Seinni hluti.

Kristin stjórnmálasamtök | 25. febrúar 2010

Eftir Guðmund Pálsson heilsugæslulækni. Hér skulu endurtekin þau atriði sem nefnd voru til sögunnar í fyrri greininni og var ósvarað: III. Í þriðja lagi að ekki yrði greitt fyrir þetta nema fyrir óþægindum og kostnaði sem næmi lítilli upphæð. 

Umræðan verður svo sannarlega áfram í gangi og fram undir vor!

Jón Valur Jensson.

Staðgöngumæðrun þvert á flokka