Sjálfkeyrandi bíll getur drepið fólk

Það er margt að varast og ekkert sjálfgefið að leyfa eigi sjálf­keyr­andi bíla, sízt ef þeir eru nánast hljóð­lausir raf­magns­bílar.

"Ákveðið hef­ur verið hætta til­raun­um með notk­un sjálf­keyr­andi bíla fyr­ir­tæk­is­ins Uber í borg­un­um Tem­pe, Pitts­burgh, Toronto og San Francisco.

Þetta er í fyrsta sinn sem sjálf­keyr­andi bíll keyr­ir á gang­andi veg­far­anda með þeim af­leiðing­um að hann læt­ur lífið." (mbl.is)

J.

Sjálfkeyrandi bíll drepur vegfaranda

SVEFNGENGLAR ÍSLANDS par excellence?

Íslenzkur prestur í Noregi, Áslaug Hauks­dóttir, upplýsir á Face­bók að ekkert vega­bréfa­eftir­lit er með að­komu fólks hing­að frá Nor­egi. Það er vara­samt ástand, eins og Evrópa er orðin. Í Noregi eru yfir 120.000 múslimar og í Svíþjóð allt að 600,000 (um 6% landsmanna) í allt talið. Í framhaldi á Facebókar-þræðinum upplýsir önnur kona, að á Kastrup er engin vegabréfaskoðun til Íslands.

Stjórnvöld hér neituðu sér um daginn um það, sem Danir og Norð­menn nýttu sér hins vegar réttinn til, þ.e. til fram­leng­ingar undan­þágu til vegabréfa­skoðunar á Schengen-svæðinu.

Eru Bjarni Ben. og Guðlaugur Þór þá SVEFNGENGLAR ÍSLANDS par excellence? (Merki­legt annars, að svona háttsettir menn eru oft kallaðir Vôtre Excellence).

Munið, að keðjan er aldrei sterkari en veikasti hlekkurinn! 

Er vert að gera Ísland að þeim veikasta hlekki? Tryggir það bezt öryggi íslenzkra borgara, sem og annarra hér?

Jón Valur Jensson.

Fjöldi ólöglegra innflytjenda „öryggisógn“

Aðalatriðin

                 

Í erli hversdagsins og annríki sumar- og vetrarfría, oft á fjarlægri sólarströnd, gleymast oft aðalatriði mannlífsins.

Um þau stendur ýmislegt í heilögum ritningum, sem því miður er ekki fjölyrt um nú á dögum og fáir gefa gaum að.

Um þessi aðalatriði ritar m.a. sálmaskáldið eftirfarandi: "Miskunn Drottins við þá er óttast hann, varir frá eilífð til eilífðar og réttlæti hans nær til barnabarnanna, þeirra er varðveita sáttmála hans og muna að breyta eftir boðum hans." (Sálmur 103:17-18)

Prédikarinn segir: "Óttastu Guð og haltu hans boðorð, því að það á hver maður að gjöra." (Prédikarinn 12:13)

Að framfylgja leiðsögn Heilagrar Ritningar er svo mikilvægt, að sálmaritarinn kallar þá sæla, sem það gjöra.

"Sælir eru þeir, sem breyta grandvarlega, þeir er fram ganga í lögmáli Drottins." (Sálmur 119:1) Ég vildi að við öll gætum tekið undir orð hans örlítið seinna í sama sálmi: "Ég vil gæta laga þinna, þá munt þú alls ekki yfirgefa mig." (Sálmur 119:8)

Dásamlegt loforð í orði Guðs. Megi það veitast okkur öllum, sem þráum að sjá vilja Guðs í framkvæmd hér á jörð.

Einar Ingvi Magnússon.

 

Herrann reis upp dauðum frá

Við skulum fagna því að vor er í lofti, fuglar syngja í görðum og sólargangurinn lengist með hverjum degi. Páskar eru nýliðnir, en við göngum áfram í upprisutrúnni, og þá má minna á falleg vers sem Torfi heitinn Ólafsson snaraði úr þýzku á íslenzku, við fallegt lag. Þau hefjast og enda á þessu fyrra versi hér, en að auki kemur þjóðarfuglinn okkar við sögu í 4. erindinu og það haft hér með:

 

Um veröld hljóma heyra má: hallelúja, hallelúja,
því Herrann reis upp dauðum frá, hallelúja, hallelúja.

Og fuglar syngja sætum hreim, hallelúja, hallelúja,
og svo mun lóan koma heim, hallelúja, hallelúja.

jvj

Auðlindagjald af náttúruauðlindinni?

Styrmir Gunnarsson ræðir, út frá auðlindagjaldi í sjávarútvegi, að það sé "líka ástæða til að leggja á auðlindagjald vegna nýtingar fallvatna og varma í iðrum jarðar."

En hví ekki af notkun ferða­þjón­ust­unnar á náttúru landsins? Af hverju á að ganga hart að þeim sem nota sjávarauðlindina til að byggja upp störf til lands og sjávar og afla arðs af annars vannýttri auðlind, ef náttúruskoðun er gerð algerlega skattfrjáls fyrir (væntanlega) milljónir útlendinga og gróðaaðila í þessari grein? Er það vegna þess, að náttúruskoðun leggi alls engar byrðar á ríkissjóð? Er ekki þvert á móti staðreyndin sú, að hún gerir m.a. þessar kröfur til samfélagsins:

1. um síaukið viðhald og umbætur á þjóðvegakerfinu,
2. um leiðbeiningar, vegvísa, göngustíga, öryggisráðstafanir og viðvörunarkerfi á útsýnisstöðum og gönguleiðum í náttúrunni,
3. um sívaxandi álag á björgunarsveitir og almannavarnir vegna ferðamanna sem villast, slasast eða komast í ógöngur?

Þetta er m.a. augljóst af banaslysi sem varð í Víkurfjöru við Mýrdal í gær (sjá viðfestan fréttartengil). Ein aðalfrétt Rúv í dag var sú, að lögreglan í Vík telur fulla þörf á að ráða 10 nýja lögreglumenn í umdæmið og á 200 milljón króna framlagi til löggæzlu þar úr ríkissjóði.

Augljóst ætti að vera, að við þurfum að fara vandlega yfir öll þessi mál okkar. Og s.k. "náttúrupassi" á alla aðkomna ferðamenn til Íslands blasir ekki endilega við sem snilldarlausn eða hið eina réttláta, enda eru margir hingað komnir vegna ráðstefna, tónleika, náms, vina­heimsókna o.fl. án þess að fara nokkurn tímann úr þéttbýlinu. 

Náttúruauðlindagjald gæti hins vegar átt betur við um skattheimtu á ferða­þjónustu­fyrirtæki, m.a. vegna reksturs lang­ferða­bifreiða, hópferða og sérferða á jökla og fjöll, auk greið­astaða við mestu náttúru­perlur og annarrar arðbærrar starf­semi sem eykur ágang á ferða­mannastaði.

Þetta er a.m.k. hugmynd sem þarf að ræða.

Jón Valur Jensson.

Stóð á steini þegar aldan tók hann

Hræðilegt slys

Það er hrollvekjandi að sjá svona alvöru-árekstur á mynd­bandi sem hér sést á við­festri frétt á Mbl.is. Þetta var í hálku­tíð 24. nóv. sl. á Ljósa­vatns­skarði. Skyndi­lega gerast slysin; hraðakstur veldur því, að þau verða jafnvel óum­flýj­an­leg. Á mynd­bandinu virðist hraði bílanna hafa verið of mikill, sérstaklega þess sem á móti kom, en tiltölulega viðráðanleg meiðsl Daniels, ökumanns hinnar bifreiðar­innar, gætu bent til, að hraði hans hafi verið minni. Þó er vinkona hans enn á sjúkrahúsinu á Akureyri og hefur gengizt undir tvær aðgerðir. Ekkert þeirra er sagt í lífs­hættu, og Daniel, sem birti þetta skelfilega mynd­band, var út­skrifaður af sjúkra­hús­inu á Ak­ur­eyri í gær. Ökumaður hins bílsins var sendur með sjúkraflugi til Reykjavíkur og hef­ur verið til aðhlynn­ing­ar á Land­spít­al­an­um að und­an­förnu, segir í frétt Mbl.is.

En óskaplega var sorglegt að heyra kveinstafi vinkonu Daniels á myndbandinu. Væntanlega hefur hugsun hans verið sú, að birting þess gæti orðið til að hjálpa einhverjum til að lenda aldrei á ævinni í sömu aðstæðum -- og jafnvel orðið til þess að bjarga mannslífum. Við Íslendingar megum þá kannski vera honum þakklátastir allra, eftir allt saman, að hafa birt þessa skelfingarfullu viðvörun.

Aldrei verður það of oft brýnt fyrir mönnum, að fjallvegir Íslands -- og fleiri vegir -- geta orðið eins og illviðráðanlegt skautasvell, þegar bíll fer einu sinni í smá-snúning frá stefnu sinni. Ævinlega ætti, án þess að bremsa, að hægja vel á ferð, áður en menn mæta öðrum bíl við aðstæður eins og þær sem sjást á myndbandinu, þótt landið sjálft líti fallega út í friðsemd og ró óbyggðanna.

Jón Valur Jensson.

Birti myndband af árekstrinum

Hress Ómar Ragn­ars­son

Framsýnn er Ómar, hagsýnn, góður að kynna nýjungar: nú raf­hjólin og kosti þeirra. Frá Ak­ur­eyri komst hann til Reykja­vík­ur á 115 krón­um! Með sjö raf­geyma komst hann lengra án hleðslu en öðrum hefur tekizt.

• Hraðast fór hann á 90 km/klst. en hann sér fyr­ir sér að far­ar­tæki framtíðar­inn­ar skipti raf­geym­um út líkt og nú er gert með gaskúta. (Mbl.is)

Myndbandið með fréttinni er inspírerandi og nánast heillandi. Hér er verið að benda á ferðamáta sem vonandi á eftir að leysa af hólmi margan einkabílinn (með einum í), eins og við sjáum þá svo marga í bílalestum á morgnana og í lok vinnudags.

Gaman er einnig að sjá hvernig Ómar heldur sér öflugum með 33 sekúndna hlaupi á morgnana, úr kjallara og upp á fimmtu hæð!

Jón Valur Jensson.

Á 90 km hraða á reiðhjólinu

Í léttum anda og þó í alvöru ... og falleg sveitarkirkja undir regnboga

Tvær myndir:

          

 

Vigdís Hauksdóttir með þarfar tillögur um skattheimtu ferðamennsku og úrbætur fyrir þurfandi ferðamenn

Mörg ferðaþjónustufyrirtæki þurfa ekki að greiða virðisaukaskatt í dag og önnur eru í lægra skattþrepi. Vigdís ... telur að afnema þurfi ívilnanir ferðaþjónustufyrirtækja, svo sem undanþágur frá virðisaukaskatti til afþreyingarfyrirtækja. (Ruv.is)

Þetta eru tímabærar tillögur frá hinum hugvitssama formanni fjárlaganefndar.

• Í dag eru fólksflutingar undanþegnir virðisaukaskatti og einnig afþreyingarfyrirtæki sem bjóða upp á köfun, hvalaskoðun og ýmis fleiri.
• „Já við erum líka að tala um heilsulindir, Bláa lónið og jarðböðin við Mývatn. Við erum að tala um ívilnanir fyrir bílaleigur ... (Ruv.is)

Hún nefndi það líka, að lág eða engin gjöld á ferðaþjónustuna hefðu átt að ýta undir vöxt þeirrar greinar, en nú væri hún komin á fullt og engin þörf á ívilnunum lengur. Þetta kann þó að vekja áhyggjur:

• Hún sagði í viðtali á Vísi í dag að hún villdi hækka virðisaukaskatt á ferðaþjónustu úr ellefu prósentum upp í tuttugu og fjögur: „Já ég tel bara að það sé orðið tímabært, sérstaklega í ljósi stefnu ríkisstjórnarinnar að einfalda skattkerfið“ 

Jón Gunnarsson, formaður atvinnuveganefndar Alþingis, gerir bæði að taka undir með Vigdísi og vara kannski við of stóru stökki, sem geti spillt fyrir á ferðamarkaðnum. Hann telur ...

• að breytinga sé þörf og hann segir tímabært að ferðaþjónustan skili því sama og önnur atvinnu­starfsemi. Hann segir að það þurfi samt að skoða hvaða afleiðingar það hafi á markaðinn að hækka virðisaukaskatt á ferðaþjónustu. (Ruv.is)

Þá nefn­ir Vigdís und­anþágu frá toll­um og vöru­gjöld­um fyr­ir bíla­leig­ur sem hún tel­ur að megi af­nema. (Mbl.is)

Laukrétt athugað. Þetta eru stórgróðafyrirtæki, og þarna má ná inn einhverjum tekjum, vel að merkja til að koma hér upp sómasamlegum þjónustustöðum (með salernis- og hreinlætisaðstöðu) sem falla vel inn í landslag okkar og náttúru.

Líka má taka fram, að í miðborg Reykjavíkur vantar tilfinnanlega hið gamla "Bankastræti núll" -- almennings­salerni með eftirlitsmanni, en bara með enn myndarlegri hætti en þau tvö, sem þarna voru neðarlega í götunni. Hvaða mannvits­brekkan var það annars, sem lét loka þessari þjónustu? Var hún ekki nógu fín í nágrenni Stjórnarráðshússins?

En undirritaður mælir sem sé fremur með en móti tillögum Vigdísar, en sjálfsagt er að ræða þær hér í athugasemdum (félagar í Kristnum stjórnmálasamtökum sem aðrir). Raunar virðist efra skattstigið í viðisaukaskatti of hátt, á það mætti setja 20% hámarksþak. Ef við leggjum þennan skatt á ýmsa ferðaþjónustu, þar sem menn hafa náð inn hröðum ofurgróða og mikið kæmi inn í heild í ríkiskassann, þá býðst hér góð aðstaða og tækifæri til að lækka efri mörk hans; það gæti jafnvel stuðlað að betri heimtum, t.d. frá iðnaðarmönnum, ýmsum fyrirtækjum o.fl.

Jón Valur Jensson.

Vilja afnema undanþágur og ívilnanir

Landkynning sem er farin að ganga af sjálfri sér

Undurfallegar myndir af náttúru Íslands, fallvötnum og fossum, hrjóstrugum berangri, hraunum og grængresi í óbyggðum landsins, ásamt norðurljósunum, má líta á tveimur myndböndum sem fylgja hér Mbl.is-frétt. Ferðamannalandið Ísland er orðið staðreynd, um ein milljón manns heimsækir landið í ár og eins gott að við verðum reiðubúin að taka á móti þeim!

Ótal tækifæri bjóðast, og norðurljósin eru farin að draga svo að, að vetrarferðir hafa margfaldazt hingað, og hér er líka falleg frétt af pari sem trúlofaði sig undir glitrandi norðurljósum.

Jón Valur Jensson. 

Bónorð undir glitrandi norðurljósum