Frá Leifi Eiríkssyni kristniboða til Pence varaforseta USA með viðkomu í tveimur sorglegum stórtíðindum gærdagsins

Guðm. Pálsson læknir ritar morgun­hug­vekju:

LEIFUR HEPPNI, PENCE OG FARSÆLD ÍSLANDS  

Eins og kemur fram í Heimskringlu Snorra Sturlu­sonar var Leifur heppni sendur af Ólafi Tryggva­syni Noregs­konungi til að boða kristna trú á Græn­landi. Þetta var um 1000. Á leiðinni þangað hitti hann skipreka áhöfn sem hafði sokkið í hafi á brotnu skipi og bjargaði þeim öllum. Skömmu síðar flutti Leifur kennimenn og presta til Brattahlíðar í Grænlandi þar sem faðir hans Eiríkur rauði bjó og hóf þar boðun réttrar kristinnar trúar. Eiríkur taldi þessa tvo atburði vera merka og samskulda eins og það er orðað í Heimskringlu.

Þessa hugmynd, að hlutir séu tengdir og samskulda gagnvart Drottni og örlögunum, tel ég vera kristna hugmynd og vert að hugleiða í nútíma samhengi og síður gæfuríku, því í gær tóku fóstureyðingaólögin alræmdu gildi og þann sama dag samþykkti Alþingi ákveðin erlend yfirráð yfir lífi og afli Íslands. Hvert þetta leiðir okkur vitum við ekki en það á eftir að koma í ljós. 

Það er engu líkara en fordæðuskapur hafi hreiðrað um sig á æðstu stöðum íslensks samfélags. Fordæðuskapur? Hvað einkennir hann? Hann leggur hulu ósvinnu og óvisku fyrir vit manna svo þeir gera sjálfviljugir það sem eyðileggur líf þeirra. Þeir fagna þegar líf þeirra og annarra gengur í gröfina. 

Þetta segi ég svo menn geti beint bænum sínum og kröftum í rétta átt og séð hlutina skýrt. Þessi sömu öfl sýna sig einnig, kvarta aumlega og færast undan þegar einn valdamesti kristni maður samtímans kemur í heimsókn til Íslands og býður okkur til samvinnu. 

Biðjum fyrir þessu fólki, því það er það eina sem knýr hlutina í rétta átt. Biðjum fyrir þeim sem gera okkur illt og einnig þeim sem hjálpa okkur og þá mun farsæld, Guðs kraftur og gæfa koma yfir okkur á ný. Því landið er Guðs og þeirra sem með honum standa.

Þessa hugvekju birti Guðmundur læknir, einn stofnenda Kristinna stjórnmálasamtaka (2007, K2), á Facebókarsíðu sinni eldsnemma í morgun. Hún er endurbirt hér (og með nýrri yfirfyrirsögn) með leyfi hans.


Bloggfærslur 3. september 2019

Um bloggið

Kristinn þjóðarflokk?

Höfundur

Kristin stjórnmálasamtök
Kristin stjórnmálasamtök

Málfundafélag Athugasemdir birtast ekki sjálfkrafa né strax og eru því aðeins samþykktar að þær fari ekki langt út fyrir efni blogggreinar, séu orðaðar kurteislega og feli ekki í sér árás á kristna trú og söfnuði né heldur lögbrot eða grófar persónuárásir eða hæpnar fullyrðingar án nafnbirtingar. Áskiljum okkur rétt til að útiloka menn kunna að árásum á kristindóm og kirkju. Og skrifið undir fullu nafni! - Skoðið eftirfarandi neðar í þessum dálki: TENGLAR – Yfirlit fyrri greina. For info. in English on this CHRISTIAN POLITICAL MOVEMENT, see HERE.

Bloggvinir

Nóv. 2019
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Eldri færslur

Nýjustu myndir

  • jesus kristur 1301705
  • 13wochen
  • 19d7v3r18h3r1
  • GRHI20UO
  • Pasted Graphic
  • Jón Valur Jensson, maí 2016
  • Steindór Sigursteinsson
  • 1184796 230094733815535 1832625948 n
  • In my office 004
  • ...20zierniete

Heimsóknir

Flettingar

  • Í dag (16.11.): 2
  • Sl. sólarhring: 46
  • Sl. viku: 734
  • Frá upphafi: 469958

Annað

  • Innlit í dag: 2
  • Innlit sl. viku: 658
  • Gestir í dag: 2
  • IP-tölur í dag: 2

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband