Eiríkur Bergmann Einarsson ræðst á þjóðnýt afskipti Ólafs Ragnars Grímssonar af Icesave-málinu

Samfylkingarmenn eru ýmsir á suðupunkti vegna varnarbaráttu forseta Íslands í Icesave-málinu, baráttu sem um margt er aðdáunarverð og slær vitaskuld út allt sem Steingrímur Jóhann og Jóhanna hafa gert.

Á nýliðnu kvöldi var sendur út af örkinni Eiríkur Bergmann Eiríksson, mikill bergmálari Samfylkingarinnar og Evrópubandalagsins, til að reyna að hamla gegn áhrifum Ólafs Ragnars. Það reyndi hann með mörgum málalengingum í Spegli Rúv, en öllum þjóðhollum mönnum mátti vera ljóst, að undir kraumar óánægja Evrókrata og afvegaleiddra sósíalista með það, að forsetinn vogi sér að mæla gegn kúgunaraðgerðum "viðmælenda" okkar í Icesave-deilunni, þeirra sem þvinguðu stjórnvöld hér til ótrúlega ranglátra samninga, sem Steingrímur hefur kallað "glæsilega".

Megin-málflutningur Eiríks Bergmanns virðist byggja á þeirri ætlan hans, að forseti Íslands eigi í verkum sínum og orðum að vera hlutlaus um pólitísk efni. En þetta stenzt alls ekki skoðun, þegar litið er til okkar fyrstu forseta: Sveinn Björnsson var fjarri því að binda sig við hlutleysi, og Ásgeir Ásgeirsson og Kristján Eldjárn gerðu það ekki heldur – m.a. voru þeir báðir hlynntir NATO.

Er farið að slá í fræðin hjá Eiríki Bergmann? 

Jón Valur Jensson.