Eru fóstur notuð sem hráefni hér í ágóðaskyni? Og af fósturvígslækni sem bætti ráð sitt, Bernard Nathanson

Hryllilegt væri ef það sama færi að gerast hér og gerzt hefur í Banda­ríkj­unum í fóstur­málum. Hvað verður um fóst­ur sem fjar­lægð eru? Hver á þau? Er nokk­urt vafa­mál að fóstur sé ein­stak­lingur með eigið erfða­mengi og eigin lík­ama? Og áfram spyrja hin sann­leiks­leitandi Guðrún Skúladóttir og Kjartan Birgisson í fyrirspurn til Alþingis vegna fyrirliggjandi fósturvígsfrumvarps ríkisstjórnarinnar.

Hvað verður um fóstrin sem fjarlægð verða við þungunarrof? Hver á eignarrétt á líkömum þeirra? Vitið þið til þess að fóstur séu notuð sem hráefni í lyfja- og snyrtivöruiðnaði [eins og þekkist erlendis] eða í aðra framleiðslu?

Hryllileg tilhugsun, en svo langt ganga menn í ágóðaskyni. Og á siðgæði lækna í þessum geira og lyfja­fyrir­tækjanna er naumast neitt að treysta. Okkur vantar a.m.k. algerlega íslenzkar upplýsingar um afdrif hinna ófæddu, sem hér er "eytt".

En þeim er ekki eytt úr huga Guðs, og sálirnar lifa, og þeim er sem fórnarlömbum og píslarvottum betur borgið eilíflega heldur en kvölurum þeirra og slátrurum.

Allir eiga þó kost á því að iðrast vegna vondra verka sinna, ef þeir gera það í alvöru. Biðjum fyrir því, og þá þurfa þeir líka að sýna ávexti samboðna iðruninni, eins og Jóhannes skírari sagði (Matth.3.8, Lúk.3.8, en í 2007-þýðingunni: "og sýnið í verki að þið hafið tekið sinna­skiptum").

Einn mikilvirkasti fósturvígslæknir heims, Bernard N. Nathanson (1926-2011), hafði framkvæmt eða haft yfirumsjón með 60.000 fóstureyðingum, þegar hann fór að rannsaka betur fóstrið og komst að því sér til undrunar, að það skorti ekkert á til þess að geta talizt mannslíf og manneskja! Og þá sneri hann líka við blaðinu, hætti upp úr því sinni ljótu iðju og fór að berjast gegn fósturdeyðingum, varð einn af helztu lífsvernar­sinnum Banda­ríkjanna, hélt fyrirlestra og skrifaði bækur og greinar um málið, t.d. bókina víðlesnu Aborting America, 1979.

Árið 1985 gaf hann út 28 mínútna myndband, sem vakti heimsathygli, "The Silent Scream", Hljóða ópið, sem sýnir framgang fóstur­eyðingar og með ultrasound eða ómskoðun sést þar hvað gerist í móðurlífinu þegar ruðzt er inn í móðurlífið með tólum læknanna, hjartsláttur 12 vikna fóstursins hátt í tvöfaldast og það reynir með örvæntingarfullum hreyfingum að komast undan drápstólunum.

Þetta myndband lét Lífsvon, samtök til verndar ófæddum börnum, setja íslenzkan texta við, fjölfaldaði og færði m.a. öllum alþingismönnum að gjöf. Seinna, um 1990-92, gaf Nathanson út annað myndband, Eclipse of reason eða Myrkvun skynseminnar. (Sjá um hann m.a. þessa New York Times-grein: https://www.nytimes.com/2011/02/22/us/22nathanson.html)

Nathanson, sem lézt í febrúar 2011, 84 ára, verðskuldar hér miklu ýtarlegri grein, sem bíður þá betri tíma.

Jón Valur Jensson.


« Síðasta færsla | Næsta færsla »

Athugasemdir

1 Smámynd: Tómas Ibsen Halldórsson

Komið hefur í ljós að í Bandaríkjunum, allavega, eru efni úr fóstrum ekki einvörðungu notuð í lyf eða snyrtivörur, heldur einnig í matvæli. Mörg matvæli sem eru hér á boðstólum innihalda efni sem unnin eru úr deyddum barnfóstrum.

Með því að fara inn á vefslóðina hér fyrir neðan má sjá eitt af myndböndum sem fjalla einmitt um þetta.

https://tibsen.blog.is/blog/tibsen/entry/2229292/

Hægt er að googla SENOMYX og sjá enn frekari upplýsingar um málið.

Tómas Ibsen Halldórsson, 24.1.2019 kl. 10:01

2 Smámynd: Bjarne Örn Hansen

Tómas, ég bara spyr ... er þetta satt? erum við að tala um, að fólk almennt séu "cannibals" og séu að éta eigin fóstur?

Bjarne Örn Hansen, 24.1.2019 kl. 20:23

3 Smámynd: Tómas Ibsen Halldórsson

Hvað verður um líkama þeirra barna sem deydd hafa verið í móðurkviði??? Í Bandaríkjunum hefur Planed Parenthood selt líkamsleifarnar. Samkvæmt rannsókn sem gerð hefur verið hefur komið í ljós að efni eru unnin úr líkömunum, efni sem notuð eru í snyrtikrem, lyf, bóluefni og matvæli.  Því miður verð ég að svara spurningu þinni Bjarne játandi.

Tómas Ibsen Halldórsson, 25.1.2019 kl. 19:49

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Kristinn þjóðarflokk?

Höfundur

Kristin stjórnmálasamtök
Kristin stjórnmálasamtök

Málfundafélag Athugasemdir birtast ekki sjálfkrafa né strax og eru því aðeins samþykktar að þær fari ekki langt út fyrir efni blogggreinar, séu orðaðar kurteislega og feli ekki í sér árás á kristna trú og söfnuði né heldur lögbrot eða grófar persónuárásir eða hæpnar fullyrðingar án nafnbirtingar. Áskiljum okkur rétt til að útiloka menn kunna að árásum á kristindóm og kirkju. Og skrifið undir fullu nafni! - Skoðið eftirfarandi neðar í þessum dálki: TENGLAR – Yfirlit fyrri greina. For info. in English on this CHRISTIAN POLITICAL MOVEMENT, see HERE.

Bloggvinir

Apríl 2019
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Eldri færslur

Nýjustu myndir

  • jesus kristur 1301705
  • 13wochen
  • 19d7v3r18h3r1
  • GRHI20UO
  • Pasted Graphic
  • Jón Valur Jensson, maí 2016
  • Steindór Sigursteinsson
  • 1184796 230094733815535 1832625948 n
  • In my office 004
  • ...20zierniete

Heimsóknir

Flettingar

  • Í dag (23.4.): 5
  • Sl. sólarhring: 32
  • Sl. viku: 484
  • Frá upphafi: 453589

Annað

  • Innlit í dag: 5
  • Innlit sl. viku: 429
  • Gestir í dag: 5
  • IP-tölur í dag: 5

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband