Glæsilegur vísindasigur: íslenzkt bráðalyf við flogaveikiköstum viðurkennt af FDA

Velferðarnefnd Alþingis mátti fyrirverða sig: að snið­ganga um­sögn um fóst­ur­víg frá há­lærð­um, viður­kennd­um pró­fessor í lyfja­fræði, dr. Sveinbirni Gizurarsyni. Hann bauðst til að koma fyrir nefndina og fylgja úr hlaði 5 bls. umsögn sinni til alþingis, þar sem hann rökstuddi það, að frumvarpið um fóstur­eyðingar ("þungunarrof") gengi allt of langt. Eðlilegt hefði verið, að alvarlegt innihald umsagnar hans, ekki sízt um hættulegar hliðarverkanir fóstureyðinga, hefði komið til umræðu í nefndinni, og bauðst hann til að koma til fundar við hana, en var í engu sinnt -- í staðinn var 23 öðrum aðilum boðið -- þar af 22 konum!!!

Vinnubrögð og stjórnsemi Halldóru Mogensen í nefndinni voru síður en svo hrósverð, þvert á móti ávítunarverð og vegna fleiri hluta en þeirra, sem hér eru nefndir, þótt pólitískir öfga-samherjar hennar í kvenrembunni bæru á hana óverðskuldað skjall við lokaumræðu málsins á Alþingi.

Að taka pólitíska fölsunarfræðimenn, vopnaða blekkingum eins og Silju Báru Ómarsdóttur, fram yfir strangvísindalegt álit mikils vísindamanns, er dæmigert um gróf þrýstihópa- og handarbaka-vinnubrögð Halldóru og samherja hennar í þessu makalausa öfgamáli, sem stefndi að því að gera fósturdrápslög á Íslandi þau næstróttækustu í Evrópu.

Myndaniðurstaða fyrir Sveinbjörn Gizurarson
 

En heimsvanur Sveinbjörn Gizurarson, sem nú er hlaðinn alþjóðlegu lofi vegna þróunar sinnar á lyfi fyrir flogaveika* (sjá Rúv-frétt af því í dag),* hann fær enn að klóra sér í hausnum yfir því, hve gersamlega ófagleg og óvísindaleg vinnubrögð viðgengust í Alþingi í fóstur­eyðinga­málinu.

En farið verður nánar í saumana á því grófa máli og vísvitandi ómálefnaleg vinnsla þess leidd hér í ljós, þótt síðar verði, enda er þetta ekkert minna en hneyksli fyrir löggjafar­samkunduna. Verður það -- m.a. það stjórnarskrárbrot, sem í þessu fólst --  væntanlega meðal helztu undirstaðna þess að sækja gegn þeirri róttæku manndráps­löggjöf, sem illu heilli var samþykkt á Alþingi í liðnum mánuði.

* Nefúði, sem bráðameðferð við flogum, var samþykktur til sölu hjá Lyfjaeftirliti Bandaríkjanna [FDA, þ.e. US Food and Drug Administration] og er þetta fyrsta lyfið sinnar tegundar. Það er afrakstur rannsókna Sveinbjörns Gizurarsonar, prófessors við lyfjafræðideild Háskóla Íslands.

 Lyfið, sem ber heitið Nayzilam, fer nú í sölu í Bandaríkjunum en það var samþykkt 17. maí eftir umfangsmiklar prófanir. Það er ætlað sem bráðameðhöndlun við svokölluðum bráðaflogum eða raðflogum.
Lyfið er lyfseðilsskylt og á að auka lífsgæði þeirra sem eru með flogaveiki. Þegar einstaklingar finna fyrir aðdraganda floga geta þeir sjálfir gripið til lyfsins. Einnig geta til að mynda fjölskyldumeðlimir, vinir og samstarfsfélagar gefið þeim lyfið með auðveldum hætti.

„Það er verulega ánægjulegt að vera fyrstur með svona lyfjaform á markað þegar svo margir hafa reynt að þróa bráðalyf eins og þetta,“ segir Sveinbjörn. (Ruv.is)

Óskum þessum frábæra vísindamanni til hamingju!

Jón Valur Jensson.


« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Kristinn þjóðarflokk?

Höfundur

Kristin stjórnmálasamtök
Kristin stjórnmálasamtök

Málfundafélag Athugasemdir birtast ekki sjálfkrafa né strax og eru því aðeins samþykktar að þær fari ekki langt út fyrir efni blogggreinar, séu orðaðar kurteislega og feli ekki í sér árás á kristna trú og söfnuði né heldur lögbrot eða grófar persónuárásir eða hæpnar fullyrðingar án nafnbirtingar. Áskiljum okkur rétt til að útiloka menn kunna að árásum á kristindóm og kirkju. Og skrifið undir fullu nafni! - Skoðið eftirfarandi neðar í þessum dálki: TENGLAR – Yfirlit fyrri greina. For info. in English on this CHRISTIAN POLITICAL MOVEMENT, see HERE.

Bloggvinir

Nóv. 2019
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Eldri færslur

Nýjustu myndir

  • jesus kristur 1301705
  • 13wochen
  • 19d7v3r18h3r1
  • GRHI20UO
  • Pasted Graphic
  • Jón Valur Jensson, maí 2016
  • Steindór Sigursteinsson
  • 1184796 230094733815535 1832625948 n
  • In my office 004
  • ...20zierniete

Heimsóknir

Flettingar

  • Í dag (16.11.): 17
  • Sl. sólarhring: 18
  • Sl. viku: 749
  • Frá upphafi: 469973

Annað

  • Innlit í dag: 15
  • Innlit sl. viku: 671
  • Gestir í dag: 15
  • IP-tölur í dag: 15

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband